తనకు సినిమా అవకాశాలు ఇప్పిస్తానని చెప్పి హీరో నాని తనను లైంగికంగా వాడుకున్నాడని కొన్ని రోజులుగా నటి శ్రీరెడ్డి ఆయనపై ఆరోపణలు చేస్తున్న సంగతి తెలిసిందే. అయితే మొన్న ఆమె తన ఆరోపణలను తీవ్ర తరం చేసిన నేపథ్యంలో నాని ఆమెకు లీగల్ నోటీసులు పంపించడం జరిగింది. కాగా నాని లీగల్ నోటీసులపై స్పందించిన శ్రీరెడ్డి తాను వాటిని ఎలా ఎదుర్కొనబోతున్నది అంతా ఫేసుబుక్ లైవ్ ద్వారా వెల్లడిపరచింది.
తన పుట్టినరోజును జరుపుకోవడానికి కేరళకు వెళ్లిన ఆమె తాను ఎయిర్ పోర్ట్ లో ఉండగానే నాని పంపించిన లీగల్ నోటీసులపై స్పందించింది. నాని తనకు లీగల్ నోటీసులు పంపించినందుకు చాలా సంతోషంగా ఉందని తెలిపింది. తాను కూడా నాని నుండి ఇలాంటి ప్రతిఘటనను ఆశించినట్లు తెలిపిన ఆమె, తాను కూడా నానికి ఇదే తరహాలోనే జవాబు ఇవ్వాలనుకుంటున్నట్లు తెలిపింది.
నాని గురించి స్పందిస్తూ.. నాని తప్పు చేసాడని ఆయన మనసాక్షికి తెలుసని చెప్పుకొచ్చింది. నాని తనకు సంబందించిన ప్రతీ విషయాన్ని తన భార్యకు చెబుతూవుంటాడని తాను తెలుసుకున్నట్లు చెప్పింది. అయితే తమ ఇద్దరి మధ్య ఉన్న సంబంధాన్ని నాని తన భార్యకు చెప్పాడో లేదో అన్న సందేహాన్ని వ్యక్తం చేసింది. అందరికీ వణుకు తెప్పించేలా నాని మీద ఫైట్ చేసి చూపిస్తాను అని తెలిపిన ఆమె, ఎలా మరియు ఏం చేయబోతున్నది కేరళ నుండి తిరిగొచ్చాక చెబుతాను అని తెలిపింది.
