తెలుగు సినీ పరిశ్రమకు చెందిన పలువురు యువతులను, హీరోయిన్లను అమెరికా రప్పించి షికాగో కేంద్రంగా నడిపిస్తున్న ‘సెక్స్ రాకెట్’ గుట్టును పోలీసులు రట్టు చేశారు. అమెరికాలోని వివిధ తెలుగు, ఇతర భారతీయ సాంస్కృతిక కార్యక్రమాల్లో పాల్గొనే పేరుతో టాలీవుడ్ నుంచి ఆర్టిస్టులను రప్పించి వారితో వ్యభిచార కార్యకలాపాలు నిర్వహిస్తున్నారని ఫెడరల్ పోలీసులు ఆరోపించారు.
కిషన్ మోదుగుముడి (34) అనే వ్యక్తి ఈ సెక్స్ రాకెట్ సూత్రధారి అని.. అతడి భార్య చంద్రకళ పూర్ణిమ మోదుగుమూడి ఈ రాకెట్‌లో భాగస్వామి అని హోమ్‌లాండ్ సెక్యూరిటీ ఇన్వెస్టిగేషన్స్ (హెచ్ఎస్ఐ) స్పెషల్ ఏజెంట్ బ్రియాన్ జిన్ పేర్కొన్నారు. ఈ సందర్భంగా తనను భవిష్యత్తులో కాంటాక్ట్ చేయవద్దని కిషన్ ను వేడుకున్న ఓ నటిని అమెరికా పోలీసులు సంప్రదించగా, వ్యభిచారం చేసినట్టు ఆమె అంగీకరించలేదని సమాచారం.
యూఎస్ కు తాను వెళ్లిన మాట వాస్తవమేనని, అయితే, అక్కడ ఎవరితోనూ శృంగారం చేయలేదని..కొద్ది సేపు వారితో మాట్లాడి టైమ్ పాస్ మాత్రమే చేశానని చికాగో పోలీసులకు స్పష్టం చేసిన ఆమె, తనకు కావాల్సిన సహాయం గురించి వారితో మాట్లాడానని చెప్పినట్టు తెలిసింది.
ఈ కేసులో కిషన్ నుంచి సేకరించిన వివరాలతో ఓ విటుడిని యూఎస్ పోలీసులు ప్రశ్నించగా, తొలుత వివరాలు చెప్పేందుకు అంగీకరించని అతను, చివరకు నిజం ఒప్పుకుంటూ, ఓ నటి కోసం తాను 1100 డాలర్లు (సుమారు రూ. 75 వేలు) చెల్లించానని అంగీకరించాడని సమాచారం. మరోవైపు తమ పేర్లు బయటకు వస్తే, పరువు పోతుందన్న భావనలో ఉన్న హీరోయిన్లు పోలీసుల విచారణకు సహకరించడం లేదని టాలీవుడ్ వర్గాలు అంటున్నాయి.
