హీరోలు అసలు హోస్ట్ గా పనికొస్తారా? అబ్బే వాళ్లకు అహం ఎక్కువ! ఇవన్నీ చేయలేరు! హీరోలు యాంకరింగా! అవన్నీ కుదిరేపని కాదులే! ఈ డైలాగులన్నీ ఒకప్పుడు వినిపించే మాట. అయితే బిగ్ బాస్ షో మొదలయినప్పటి నుండి పై ప్రశ్నలు వేసిన వారే చప్పట్లు కొట్టారు. అలా బుల్లితెర మీద ఎన్టీఆర్ ఒక ట్రెండ్ ను సృష్టించాడు. కాగా ఆయన ఇప్పుడు మరో మారు బుల్లితెరపై కనువిందు చేయనున్నాడు.
మళ్ళీ ప్రోగ్రామ్ చేస్తున్నాడని అనుకుంటున్నారా? అదేమీ కాదులేండి! జస్ట్ గెస్ట్ గా మాత్రమే! ఈ టీవీలో ప్రసారంకానున్న ఢీ 10 అనే డ్యాన్స్ కార్యక్రమానికి తారక్ గెస్ట్ అవతారంలో రాబోతున్నాడు. ఆ షో ముగింపు దశకు చేరుకోవడంతో ఆ షో నిర్వాహకులు ఫైనల్ పోటీలను ఏర్పాటు చేయాలని నిర్ణయించారు. వచ్చే నెల 4వ తేదీన ఫైనల్ షో ప్రసారం కానున్నడంతో ఆ ఎపిసోడ్ కు సంబంధించి ప్రోగ్రామ్ షూటింగ్ ను నిన్న పూర్తి చేశారు.
నిజానికి ఇంతకు ముందే ఆ ప్రోగ్రామ్ షూటింగు ను పూర్తి చేయాలని నిర్ణయించినా తారక్ షూటింగు లో బిజీ గా ఉండటంతో అది సాధ్యపడలేదు. కాబట్టి నిన్న తారక్ ఖాళీగా ఉండటంతో షూటింగ్ ను నిన్న ప్లాన్ చేశారు. షో సెట్లోకి తారక్ కు ఘాన స్వాగతం పలికారు షో నిర్వాహకులు. పోటీదారులకు డ్యాన్స్ పోటీ నిర్వహించిన తరువాత విజేతకు ఫైనల్ ట్రోఫీని తారక్ చేతులమీదుగా బహూకరించారు. అయితే ఆ షో షూటింగ్ కు సంబంధించి ఎన్టీఆర్ ఫోటోలు ఇంటర్నెట్లో తెగచక్కర్లు కొడుతున్నాయి.
