సోషల్ మీడియా వేదికగా రేణు దేశాయ్ పవన్ అభిమానులకు గట్టిగా క్లాస్ పీకింది. నేను నోరు విప్పితే మీరు నోరు మూసుకుంటారని గట్టిగా చెప్పింది. అయితే రేణు దేశాయ్ విడాకుల విషయం గురించి నోరు విప్పితే పవన్ అభిమానులు ఎందుకు నోరు మూసుకుంటారని చాలా మందికి సందేహాలు రావొచ్చు. అయితే ఇప్పటి వరకు పవన్ కళ్యాణ్ రేణు దేశాయ్ కు ఎందుకు విడాకులు ఇచ్చాడో తెలియదు. ఇప్పడు అస్సలు విషయం బయట పడితే పవన్ కళ్యాణ్ పరువు పోతుందని అతని అభిమానులను హెచ్చరించిందని అనుకోవాలా...!
ఇలా పవన్ ఫ్యాన్స్ కు ఓ రేంజ్ లో క్లాస్ పీకింది రేణుదేశాయ్. ఇలాంటి తిట్లు, బూతులు ఎక్కువగా ఉన్నాయని తాజాగా ట్విట్టర్ నుంచి ఆమె తప్పుకుంది. ఇనస్టాగ్రామ్ లో మాత్రం కొనసాగుతోంది. అయితే అక్కడ కూడా ఆమెకు ఇలాంటి ఆన్ లైన్ వేధింపులు తప్పలేదు. నువ్వు తప్పుచేస్తున్నావంటూ ఓ అభిమాని రాసిన సుదీర్ఘమైన కామెంట్ కు పై విధంగా ఘాటుగా సమాధానమిచ్చింది రేణుదేశాయ్.
"నేను దేవుడ్ని గట్టిగా ప్రార్థిస్తున్నాను. ఒక రోజు వస్తుంది. ఆ రోజు నేను నా సోషల్ మీడియా ఎకౌంట్ లో ప్రశాంతంగా నా పని నేను చేసుకుంటాను. నా సోషల్ మీడియా పేజీలో కేవలం నా గురించి, నా పని గురించి మాత్రమే మంచి కామెంట్స్ చదువుకునే రోజు కోసం ప్రార్థిస్తున్నాను." ఇలా తన బాధను వెల్లగక్కింది రేణుదేశాయ్. ఆమె నిశ్చితార్థం పూర్తయింది. త్వరలోనే పెళ్లి చేసుకోబోతోంది. అయితే ఆమె తాజా స్టేట్ మెంట్ తో ఇప్పుడు చర్చ మరింత పెరిగే ఆస్కారం ఏర్పడింది. విడాకులు ఎందుకు తీసుకోవాల్సి వచ్చిందో తను చెబితే అంతా నోరు మూసుకుంటారని రేణు అనడం ఇప్పుడు సంచలనం అయింది.
