ఇండస్ట్రీలో ఎప్పటి నుంచి మంచి విజయం కోసం ఎదురు చూస్తున్న హీరో సుదీర్ బాబు. ఈ మద్య ‘సమ్మోహనం’ లాంటి మంచి విజయం తో తానేంటో ప్రూఫ్ చేసుకున్నాడు. ఎలాంటి హంగామా లేకుండా రొమాంటిక్ లవ్ స్టోరీతో పాటు మంచి హాస్యభరిత సినిమా ‘సమ్మోహనం’ ప్రేక్షకులను ఆకట్టుకుంది. తాజాగా సుధీర్ బాబు ప్రొడక్షన్స్ బ్యానర్ లో టాలెంట్డ్ దర్శకుడు ఆర్.ఎస్.నాయుడు దర్శకుడిగా పరిచయం అవుతున్న చిత్రం నన్ను దోచుకుందువటే .. ఈ చిత్రం విభిన్నమైన కోణంలో, కొత్త స్క్రీన్ ప్లేతో, అన్ని వర్గాల ప్రేక్షకుల్ని ఆకట్టుకునే కథతో, మంచి నిర్మాణ విలువలతో ఈ చిత్రం రూపొందుతోంది.
పోస్ట్ ప్రొడక్షన్ వర్క్ శరవేగంగా జరుగుతోంది. టైటిల్ కి చాలా మంచి రెస్పాన్స్ వచ్చింది. అలాగే ఈ చిత్రం మెదటి లుక్ ని ఈరోజు విడుదల చేశారు. ఇప్పటికే దాదాపు షూటింగ్ పార్ట్ పూర్తయింది. త్వరలోనే మిగతా వివరాలు తెలియజేస్తారు. ఈ సినిమాలో నభ నతేశ్ ఈ చిత్రంతో హీరోయిన్ గా పరిచయం అవుతోంది. దర్శకుడు ఆర్.ఎస్.నాయుడు మాట్లాడుతూ… సుధీర్ బాబు గారు హీరోగా సుదీర్బాబు ప్రోడక్షన్స్ లో నన్నుదోచుకుందువటే అనే చిత్రాన్ని చేస్తున్నాము.
టైటిల్ ఎనౌన్స్ చేయ్యగానే చాలా మంచి రెస్పాన్స్ వచ్చింది. కథ చాలా ఫ్రెష్ గా వుంది. కొత్త హీరోయిన్ అయినప్పటికీ నభ నతేశ్ చాలా బాగా చేసింది. అజనీష్ సంగీతం స్పెషల్ ఎట్రాక్షన్ గా నిలుస్తుంది. ఇప్పటికే దాదాపు చిత్రీకరణ పూర్తి చేశాం. త్వరలోనే మిగతా వివరాలు ఎనౌన్స్ చేస్తాం. అని అన్నారు.