తేజ సినిమా మొదలైందంటే ఈ సినిమా చివరి వరకు అతను డైరెక్ట్ చేస్తాడా .... లేదా మొదట్లోనే వదిలేస్తాడా అని చాలా మందికి సందేహాలు వస్తాయి. ఇప్పటి వరకు కొన్ని సినిమా లను గ్రాండ్ గా ఓపెనింగ్ చేసి మధ్యలో వాటిని వదిలేశాడు. అయితే తాజాగా ఇప్పడూ తేజ బెల్లంకొండ శ్రీనివాస్ తో సినిమా మొదలెట్టబోతున్నాడు. అందుకే ఈ సినిమా కు ఎటువంటి ఆర్బాటం లేకుండా సినిమా షూటింగ్ చేయబోతున్నారంటా...!
తేజ దర్శకత్వంలో సాయిశ్రీనివాస్ హీరోగా మరో వారం రోజుల్లో కొత్త సినిమా షూటింగ్ స్టార్ట్ అవుతుంది. దీనికి సంబంధించి బూత్ బంగ్లాలో సెట్ కూడా వేశారు. ఈ సినిమాకు నిర్మాత కూడా ఫిక్స్ అయ్యాడు. ఏకే ఎంటర్ టైన్ మెంట్స్ బ్యానర్ పై అనీల్ సుంకర నిర్మాతగా ఈ సినిమా రాబోతోంది. లెక్కప్రకారం ఇదే బ్యానర్ పై వెంకీతో సినిమా చేయాలి తేజ. ఆ అడ్వాన్స్ ను ఇటు మళ్లించినట్టున్నారు.
నేనే రాజు నేనే మంత్రి సినిమా తర్వాత తేజ చేయబోయే సినిమాపై ప్రస్తుతానికి అప్ డేట్స్ అయితే ఇవే. ఈ 3-4 రోజుల్లో ఇంకెన్ని మార్పులు జరుగుతాయో.. ఇంకెన్ని ఊహించని పరిణామాలు చోటుచేసుకుంటాయో చూడాలి.. ఎందుకంటే ఇది తేజ సినిమా. ఈ సినిమా అయినా పూర్తి అవ్వాలని తేజ అభిమానులు కోరుకుంటున్నారు. చూద్దాం చివరికి ఏమవుతుందో ..!
