టాలీవుడ్ లో ఆ మద్య సందీప్ వంగా, విజయ్ దేవరకొండ కాంబినేషన్ లో వచ్చిన సినిమా ‘అర్జున్ రెడ్డి’. ఈ సినిమా మొదటి నుంచి ఎన్నో వివాదాలు చుట్టు ముట్టాయి. మొదటి లిప్ లాక్ కి సంబంధించిన పోస్టర్లు పబ్లిక్ ప్లేస్ లో పెట్టారని విమర్శలు వచ్చాయి. ఆ తర్వాత ఈ సినిమాలో అడల్ట్ కాంటెంట్ ఎక్కువ ఉందని ప్రచారం జరిగింది. అంతే కాదే కొన్ని బూతు డైలాగ్స్ ఉన్నాయని..ఇది సొసైటీపై ప్రభావం పడుతుందని ఎన్నో రకాల ఆరోపణలు వచ్చాయి. ‘అర్జున్ రెడ్డి’ రిలీజ్ అయిన అన్ని థియేటర్లలో పాజిటీవ్ టాక్ వచ్చింది. దాంతో సినిమా సూపర్ హిట్ కొట్టడం..భారీ కలెక్షన్లు రాబట్టడం జరిగింది.
వాస్తవానికి ఈ సినిమా అంత పెద్ద హిట్ అవుతుందని చిత్ర యూనిట్ అనుకోలేదట. యూత్ ను ఒక రేంజ్ లో ప్రభావితం చేస్తూ, కొత్త ట్రెండును సృష్టించింది. అలాంటి ఈ సినిమాకి పారితోషికంగా విజయ్ దేవరకొండకి భారీ మొత్తమే ముట్టి ఉంటుందని అనుకుంటారు. తాజాగా ఓ ఇంటర్వ్యూలో విజయ్ మాట్లడుతూ..‘అర్జున్ రెడ్డి’ సినిమాకు తాను తీసుకున్న రెమ్యూనరేషన్ గురించి చెప్పి షాక్ ఇచ్చాడు. అర్జున్ రెడ్డి సినిమాకు రెమ్యూనరేషన్ కేవలం 5 లక్షలు మాత్రమే తీసుకున్నట్లు తెలిపారు.
ఈ సినిమా ఘన విజయాన్ని సాధించిన తరువాత, లాభాలలో వాటా ఇచ్చారని అన్నాడు. ఏదేమైనా, ఒక సినిమాను 5 లక్షల పారితోషికానికే విజయ్ దేవరకొండ ఒప్పేసుకోవడం నిజంగా విశేషమేనని చెప్పుకుంటున్నారు. అయితే మొదటి నుంచి కంటెంట్ ని నమ్ముకొని సినిమా చేశానని అందుకే మంచి హిట్ కొట్టానని విజయ్ దేవరకొండ అన్నారు. ప్రస్తుతం ఆయన వరుస సినిమాలతో ప్రేక్షకులను పలకరించడానికి రెడీ అవుతున్నాడు.
