ప్రపంచ వ్యాప్తంగా తెలుగు సినిమా సత్తా ఏంటో రుచి చూపించిన సినిమా బాహుబలి, బాహుబలి 2. రాజమౌళి దర్శకత్వంలో వచ్చిన ఈ రెండు సినిమాలు ప్రపంచ వ్యాప్తంగా సెన్సేషన్ క్రియేట్ చేశాయి. అప్పటి వరకు టాలీవుడ్ గురించి తక్కువ అంచనా వేసిన వారు ముక్కుమీద వేలు వేసుకున్నారు. అంతే కాదు బాహుబలి నటీ, నటులకు జాతీయ స్థాయిలో గుర్తింపు వచ్చింది. ఇక భారత దేశంలోనే అత్యధిక కలెక్షన్లు సాధించిన సినిమాగా బాహుబలి 2 రికార్డులు నమోదు చేసుకుంది.
తాజాగా బాహుబలి 2 రికార్డు ఎలాంటి అంచనాలు లేని చిన్న సినిమా ఆర్ ఎక్స్ బ్రేక్ చేసింది. ఇది వింటానికి కాస్త విడ్డూరంగా ఉన్నా నిజం..హైదరాబాద్ లోని దేవి థియేటర్ లో మొదటి వారంలో బాహుబలి 2 సినిమా 28, 82,370 రూపాయల ను వసూల్ చేయగా దాన్ని అధిగమించి ఆర్ ఎక్స్ 100 చిత్రం ఏకంగా 29, 32, 867 లక్షల గ్రాస్ ని వసూల్ చేయడం సంచలనంగా మారింది.
ఇంతకు ముందు దేవి థియేటర్ లో అత్యధిక వసూళ్లు సాధించిన చిత్రాలుగా బాహుబలి 2, తొలిప్రేమ చిత్రాలు నిలిచాయి అయితే ఆ రెండు సినిమాల రికార్డుల ను బద్దలు కొట్టి కొత్త రికార్డ్ సృష్టించింది ఆర్ ఎక్స్ 100. రాంగోపాల్ వర్మ శిశ్యుడైన అజయ్ భూపతి అంతా కొత్తవాళ్ళ తో తెరకెక్కిన సినిమా ఆర్ ఎక్స్ 100.
అయితే టీజర్ , ట్రైలర్ లతో కాస్త యువత ని టార్గెట్ చేశారు కట్ చేస్తే సినిమా విడుదల అవడం , యువత బ్రహ్మరథం పట్టడంతో కలెక్షన్ల సునామీ సృష్టిస్తోంది ఆర్ ఎక్స్ 100 చిత్రం. పాయల్ రాజ్ పుత్ బోల్డ్ సీన్లు కుర్రాళ్ల మతులు పోగొడుతున్నాయి. చిన్న చిత్రంగా వచ్చిన ఆర్ ఎక్స్ 100 సంచలనం సృష్టిస్తు ట్రేడ్ విశ్లేషకులను ఆశ్చర్యానికి గురిచేస్తోంది.
