టాలీవుడ్ లో ఇండస్ట్రీలో మెగా ఫ్యామిలీ ఇప్పటి వరకు హీరోలు వచ్చారు..మొదటి సారిగా నాగబాబు కూతురు నిహారిక కొణిదెల ‘ఒకే మనసు’ సినిమాతో హీరోయిన్ గా ఎంట్రీ ఇచ్చింది. ఈ సినిమా పెద్దగా హిట్ కాలేదు కానీ..నిహారికకు మంచి నటిగా గుర్తింపు వచ్చింది. ఆ తర్వాత తమిళ ఇండస్ట్రీలోకి ఎంట్రీ అక్కడ కూడా మంచి నటిగా గుర్తింపు తెచ్చుకుంది. ప్రస్తుతం మెగా డాటర్ నిహారిక, ఎంఎస్ రాజు తనయుడు సుమంత్ అశ్విన్ జంటగా నటించిన హ్యాపీ వెడ్డింగ్ విడుదలకు ముస్తాబవుతున్నది.
ఈ చిత్రానికి లక్ష్మణ్ కార్య దర్శకత్వం వహిస్తున్నారు. యూవీ క్రియేషన్ బ్యానర్‌, పాకెట్ సినిమా బ్యానర్‌పై రూపొందుతున్న చిత్రానికి ఫిదా ఫేం శక్తికాంత్ సంగీతం అందిస్తున్నారు. ఈ నేపథ్యంలో రేపు ఈ సినిమా ప్రీ రిలీజ్ ఈవెంట్ ను ఘనంగా జరపనున్నారు. ఈ వేడుకకి ముఖ్య అతిథిగా చరణ్ హాజరుకానున్నాడు. యూవీ క్రియేషన్స్ వారు .. పాకెట్ సినిమా వారు సంయుక్తంగా నిర్మించిన ఈ సినిమాకి శక్తికాంత్ సంగీతాన్ని అందించాడు. ఇప్పటికే ఈ సినిమాపై అన్ని వర్గాల ప్రేక్షకులు ఆసక్తితో వున్నారు.
ఆహ్లాదకరమైన కథా నేపథ్యంలో సాగే ఓ చక్కని ఫ్యామిలీ ఎంటర్టైనర్ ను చూడనున్నామని భావిస్తున్నారు. టీజర్, ఫస్ట్‌లుక్‌తో ప్రేక్షకులను ఆకట్టుకొంటున్న ఈ ఫ్యామిలీ రొమాంటిక్ చిత్రంపై భారీ అంచనాలు నెలకొన్నాయి. పూర్తిగా ఫ్యామిలీ నేపథ్యంలో కొనసాగుతున్న ఈ సినిమా రెండు కుటుంబాల మద్య పెళ్లి సంబంధం ఎలా కుదిరింది..ఎలా విడిపోయిందీ మళ్లీ ఆ జంట ఎలా కలుసుకున్నారు..అనే నేపథ్యంలో సాగుతుందట. కాగా ఈ ఫ్యామిలీ రొమాంటిక్ చిత్రంపై భారీ అంచనాలు నెలకొన్నాయి.
Our #ChittiBabu is the guest of the hour for #HappyWedding Pre-Release Event. Looking forward for this @UV_Creations #PocketCinema @lakshmankarya. @shakthikanth #SumanthAshwin @IamNiharikaK #HappyWeddingPreRelease pic.twitter.com/eovzP1NxtV
— H.E Dr Naresh VK actor (@ItsActorNaresh) July 20, 2018
