ఈ మద్య చాలా మంది హీరోలు ఎక్కువగా ప్రయోగాత్మక పాత్రల్లో నటించడానికి ఉత్సాహాన్ని చూపిస్తున్నారు. రొటీన్ కి భిన్నంగా కనిపించాలని..పాత్రకు మంచి ప్రాధాన్యత ఉండాలని ఆకాంక్షిస్తున్నారు. ఒకప్పుడు భారతీయ సినీ ఇండస్ట్రీలో విశ్వనటులు కమల్ హాసన్ ఎన్నో ప్రయోగాత్మక పాత్రల్లో నటించారు. ఆ తర్వాత హీరో విక్రమ్ అలాంటి డిఫరెంట్ లుక్స్ తో కనిపించారు. రెగ్యులర్ కమర్షియల్ సినిమాల్లో పాత్రలు ఎవరైనా చేస్తారు. అదేమి పెద్ద విశేషం కాదు. కానీ ఛాలెంజింగ్ అనిపించే పాత్రలను చేయటం అంటే నటనలోనే కాదు చాలా రకాల ఇబ్బందులను సవాళ్ళను ఎదుర్కోవాల్సి ఉంటుంది.
గతంలతో స్టార్ డైరెక్టర్ శంకర్ తీసిన భారతీయుడు సినిమాలో కమల్ హాసన్ వృద్దుడి పాత్రలో కనిపించిన విషయం తెలిసిందే. యంగ్ పాత్రలో కనిపిస్తూ..వృద్ధుడైన సేనాపతిగా కమల్ హాసన్ ను చూసి అందరూ ముక్కున వేలేసుకున్నారు. అలా కనిపించడానికి కమల్ హాసన్ ప్రొస్థెటిక్స్ మేకప్ కారణం. ఇప్పుడు ఈ ప్రక్రియలో చాలా మార్పులు వచ్చాయి. శంకర్ ఐలో కురూపిగా కనిపించడానికి విక్రమ్ ఏకంగా తన ఆరోగ్యాన్ని పణంగా పెట్టాడు. ఇప్పుడు మరో తమిళ హీరో విజయ్ సేతుపతి కూడా ఇదే బాటలో పయనిస్తూ తన ప్రత్యేకతను చాటుకుంటున్నాడు.
సీతకాతి అనే తమిళ సినిమా కోసం వయో వృద్ధుడిగా తన కెరీర్లో ఇంతకుముందెన్నడూ చేయని పాత్ర చేస్తున్న విజయ్ సేతుపతి దాని మేకప్ కోసం ఎంత కష్టపడుతోంది ఫోటోలు సోషల్ మీడియాలో వైరల్ అవుతున్నాయి. యూనిట్ఆస్కార్ అవార్డులు గెలుచుకున్న అలెక్స్ నోబుల్-కెవిన్ హనే నేతృత్వంలో ఈ ప్రక్రియ గంటల తరబడి సాగుతోంది.
తెలుగులో సైరా నరసింహరెడ్డితో చిరంజీవితో కలిసి నటించబోతున్న విజయ్ సేతుపతి త్వరలోనే సెట్స్ లో జాయిన్ కాబోతున్నాడు. వచ్చే వారం 27 విజయ్ సేతుపతి కొత్త సినిమా జుంగా విడుదల కాబోతోంది. ఇటీవలే కార్తీ చినబాబులో నటించిన సాయేషా సైగల్ ఇందులో హీరోయిన్. తెలుగులో విజయ్ సేతుపతికి మార్కెట్ లేని నేపథ్యంలో డబ్ చేసే ఆలోచనలో లేరు నిర్మాతలు. ఒకవేళ హిట్ అయితే వేరే హీరోతో రీమేక్ చేసే అవకాశాలు ఉన్నాయి.
