టాలీవుడ్ ఇండస్ట్రీలో కెరీర్‌ స్టార్టింగ్‌ నుంచి వరుసగా ప్రయోగాత్మక పాత్రలు చేస్తూ వస్తున్న యంగ్ హీరో నారా రోహిత్. డిఫరెంట్‌ జానర్‌ లో తెరకెక్కే సినిమాలతో పాటు మల్టీ స్టారర్‌ సినిమాలతోనూ అలరించిన ఈ యంగ్ హీరో తాజాగా మరో సాహసానికి రెడీ అవుతున్నాడు. హిట్ ఫ్లాప్‌ లతో సంబంధం లేకుండా వరుస సినిమాలతో దూసుకుపోతున్న రోహిత్ తన నెక్ట్స్ సినిమాలో దివ్యాంగుడిగా కనిపించనున్నాడట.
ఇంద్రసేన దర్శకత్వంలో .. వైవిధ్యభరితమైన కథాకథనాలతో 'వీర భోగ వసంత రాయలు' సినిమా రూపొందుతోంది. రీసెంట్ గా ఈ సినిమా నుంచి శ్రియ లుక్ ను రిలీజ్ చేయగా మంచి రెస్పాన్స్ వచ్చింది. తాజాగా నారా రోహిత్ లుక్ ను రిలీజ్ చేశారు. ఒక చెయ్యికి కట్టుతో .. సీరియస్ లుక్ తో నారా రోహిత్ కనిపిస్తున్నాడు. పోస్టర్‌లో హిట్ మ్యాన్ అని ఇంట్రెస్టింగ్ టైటిల్‌తో రోహిత్‌ని పిలుస్తుండడం ఆసక్తి రేకెత్తిస్తోంది.
ఈ సినిమాలో ఆయన పాత్ర స్వభావం కూడా అలానే ఉండబోతుందని ఫస్ట్ లుక్ ద్వారా చెప్పకనే చెప్పేశారు మేకర్స్. మెనాసింగ్ కల్ట్ లుక్‌గా మేకర్స్ రిలీజ్ చేసిన ఈ ఫస్ట్ లుక్‌లో నారా రోహిత్ చాలా సీరియస్‌గా తన హావభావాలను కనపరుస్తూ సినిమాపై ఇంట్రెస్ట్‌ని పెంచేస్తున్నాడు. ఒక వైపున సోలో హీరోలుగా వైవిధ్యభరితమైన సినిమాలు చేసుకుంటూ వస్తోన్న నారా రోహిత్ .. సుధీర్ బాబు .. శ్రీవిష్ణు, ఈ సినిమాలో కలిసి నటిస్తుండటం విశేషం. నాలుగు ప్రధానమైన పాత్రలచుట్టూ తిరిగే ఈ కథ, చాలా ఇంట్రెస్టింగ్ గా ఉంటుందనే టాక్ ఫిల్మ్ నగర్లో వినిపిస్తోంది.
