రాజమౌళి ఒక సినిమా తీస్తున్నాడంటే, తన శ్రమ అంత అందులో పెడతాడు. ఇల్లు వాకిలీ ఇంకేమి పట్టించుకోడు అందులోనే మునిగి పోతాడు. బాహుబలి కోసం ఐదేళ్లు కష్ట పడి ఒక అద్భుత దృశ్య కావ్యాన్ని భారత దేశ చలన చిత్రానికి అందించాడు. అయితే రాజమౌళి తరువాత తీస్తున్న భారీ మల్టీ స్టారర్ కోసం కసరత్తులు ప్రారంభించాడు. తాజగా ఈ సినిమా కోసం అల్యూమినియం ఫ్యాక్టరీలో భారీ సెట్ వేస్తున్నారు. బ్రిటిష్ కాలాన్ని తలపించే సెట్ ఇది. అయితే ఆ సెట్ తో పాటే మరో కట్టడం కూడా ప్రారంభమయింది.
అది రాజమౌళి సినిమా ఆఫీస్. సెట్ దగ్గరే ఓ భారీ షెడ్ , ఓ మండువా ఇల్లు, తయారవుతున్నాయి. ఇందుకోసం రెండుకోట్లు ఖర్చు చేస్తున్నారు. సినిమా షూటింగ్ స్టార్ట్ అయితే ఇక రాజమౌళి ఇల్లు వాకిలి పట్టించుకోరు. బాహుబలి టైమ్ లో కూడా ఆయన ఫ్యామిలీతో సహా ఆర్.ఎఫ్.సిలోనే వుండిపోయారు. తన స్వంత పనివారిని కూడా తెచ్చేసుకున్నారు అక్కడికి. ఈసారి ఏకంగా కాపురమే పెట్టేస్తున్నారట.
కుదిరితే ఇంటికి వెళ్లడం లేదూ అంటే షూటింగ్ స్పాట్ లోనే వుండిపోయేందుకు వీలుగా ఓ మండువా ఇల్లు నిర్మిస్తున్నారు. అందులో రాజమౌళికి అన్ని సదుపాయాలు కల్పిస్తారు. దానిపక్కనే ఓ షెడ్ ను ఆయన డైరక్షన్ యూనిట్ కోసం నిర్మిస్తున్నారు. దాని పక్కన మరో షెడ్ యాక్టర్ల రిహార్సల్స్ కోసం నిర్మిస్తున్నారు. రాజమౌళి సినిమా అంటే ఆయన ఫ్యామిలీ ఫ్యామిలీ ఇన్ వాల్వ్ అవుతారు. అందుకే అలాంటి ఇల్లు కడుతున్నారు. బ్రిటిష్ కథాకాలంతో, రామ్ చరణ్-ఎన్టీఆర్ లు హీరోలుగా నిర్మిస్తున్న ఈ సినిమాకు తాత్కాలికంగా 300కోట్లు బడ్జెట్ అవుతుందని అంచనా వేస్తున్నారు.
