భారత దేశం బ్రిటీష్ దాస్య శృంఖలాల్లో మగ్గిపోతుంటే..మీకెందుకు దాసులుగా ఉండాలిరా..అంటూ గుండెధైర్యంతో ప్రశ్నిస్తూ..బిటీష్ సైన్యాన్ని గడ గడలాడించిన మొట్టమొదటి స్వతంత్ర సమరయోధుడు..తెలుగు వాడు..‘ఉయ్యాల నరసింహారెడ్డి’. అప్పటి రోజుల‌లో బ్రిటీష్ సైనికుల‌తో అర్ధ‌రాత్రి, అప‌రాత్రి అనే తేడా లేకుండా యుద్ధం చేశాడు. ఇప్పుడు ఆయన జీవిత నేప‌థ్యంలో చిరు 151వ సినిమా గా సురేంద‌ర్ రెడ్డి సైరా అనే మూవీని తెర‌కెక్కిస్తున్నాడు.
ఈ సినిమా గ‌త 35 రోజులుగా రాత్రి స‌మ‌యంలో షూటింగ్ జ‌రుపుకుంది. ఆగ‌స్ట్ 22న చిరు బర్త్డే సంద‌ర్భంగా టీజ‌ర్ విడుదల అవుతుందని ఫ్యాన్స్ భావిస్తున్న నేప‌థ్యంలో సినిమా కి సంబంధించి లీక్ అయిన రెండు ఫోటోలు చూస్తుంటే..స్వతంత్ర సమరాన్ని కళ్లకు కట్టినట్టు చూపించేలా ఉంది. మెగాస్టార్ చిరంజీవి కెరీర్‌లోనే అత్యంత బ‌డ్జెట్‌తో తెర‌కెక్కుతున్న సైరాకి సంబంధించి లీక్ అయిన ఫోటోలు చూస్తుంటే , ఏదో వార్ ఎపిసోడ్‌కి సంబంధించిన‌విగా అనిపిస్తుంది.
భారీగా ఉన్న కోట ద్వారం, బ్రిటీష్ సైన్యాన్ని బ‌ట్టి న‌ర‌సింహ‌రెడ్డి తన బృందంతో బ్రిటీష్ సైన్యంపై దాడి చేసే ఉదంతానికి సంబంధించిన బారీ స‌న్నివేశం అని చెప్ప‌వ‌చ్చు. సినిమా లో హాలీవుడ్ యాక్షన్ కొరియోగ్రాఫ‌ర్ కూడా క‌నిపిస్తున్నాడు. ఈ రెండు ఫోటోల‌ని బ‌ట్టే సినిమా ఏ రేంజ్‌లో తెర‌కెక్కుతుందో తెలుసుకోవొచ్చు. సినిమా లో న‌య‌న‌తార, చిరంజీవి, అమితాబ్ బ‌చ్చ‌న్‌, జ‌గ‌ప‌తిబాబు , సుదీప్‌, విజయ్ సేతుప‌తి ముఖ్య పాత్ర‌లు పోషిస్తున్నారు.
మూవీని స‌మ్మ‌ర్‌లో విడుదల చేయ‌నున్నారు. చిత్రానికి బాలీవుడ్ సంగీత ద‌ర్శ‌కుడు అమిత్ త్రివేది మ్యూజిక్ అందించ‌నున్నాడ‌ని టాక్‌. కొణిదెల ప్రొడ‌క్ష‌న్ కంపెనీ బేన‌ర్‌పై రామ్ చరణ్ సైరా సినిమా ని నిర్మిస్తుండ‌గా యాక్షన్ సీన్స్ కోసం స్కైఫాల్‌, హ్యారీ పొట‌ర్‌ల‌కి పని చేసిన హాలీవుడ్ స్టంట్‌ మాస్టర్లు పని చేస్తున్నారు. ఈ సినిమా షూటింగ్ పూర్తి చేసుకొని సంక్రాంతి బరిలో దింపాలని చూస్తున్నారు.
