సురేష్ బాబు తనుయుడిగా రామానాయుడు మనవడిగా తెలుగు ఇండస్ట్రీలో రానా అడుగు పెట్టి తనకంటూ ఒక గుర్తింపు ను సాధించుకున్నాడు. అయితే సురేష్ బాబు ఒకటి అనుకుంటే రానా మరోకటి అనుకుంటాడు . తన తండ్రి చెప్పిన కథలను చేయమంటే చేయడు తన దారి తనదే... విభిన్న చిత్రాలను చేస్తూ ముందుకు పోతున్నాడు అయితే రానా సురేష్ బాబుకు మరో షాక్ ఇవ్వబోతున్నాడు.
తాజాగా రానా సమర్పణలో కేరాఫ్ కంచరపాలెం అనే సినిమా వస్తోంది. ఇది మాస్ సినిమా. విశాఖ లోని కంచరపాలెం ప్రాంతానికి చెందిన లోకల్ కథ. ఒక్కరూ తెలిసిన మొహం కాదు, ఎవరికీ మేకప్ లేదు, అంతా లోకల్, పక్కా లోకల్ డైలాగులు, బూతులు.. అన్నీ ఇందులో ఉన్నాయి. సురేష్ బాబు అయితే కచ్చితంగా ఈ సినిమా వైపు చూసేవారు కాదేమో. కానీ రానాకి ఎందుకో మరి ఈ మాస్ మూవీ తెగ నచ్చేసింది.
హీరోగా పరిచయం కాకముందు బొమ్మలాట అనే చిన్న సినిమాతో నిర్మాతగా అవార్డులు, ప్రశంసలు దక్కించుకున్న రానా మళ్లీ ఇన్నాళ్లకు తన సమర్పణలో c/o కంచరపాలెం ను తెరపైకి తెస్తున్నారు. ఈ ఏడాది రాబోతున్న అది పెద్ద చిన్న సినిమా ఇదంటూ తనే ట్రైలర్ ని విడుదల చేశాడు. అప్పుడు రానా నిర్మించిన బొమ్మలాట సినిమా కూడా బస్తీ కథే. ఇప్పుడు విడుదల చేస్తున్న కంచరపాలెం మూవీ కూడా పూర్తి బస్తీ కథే. నిజానికి ఈ సినిమా ను సురేష్ బాబు ఒప్పుకోలేదని చెప్పాలి కానీ రానా వినడు కదా..!