హీరో గోపీచంద్ ఒక మాస్ హీరో కు ఉండాల్సిన లక్షణాలన్నీ ఉన్నాయి. మొదట్లో ఫ్లాపులు పలకరించిన తరువాత వరుస హిట్స్ కొట్టి తన పాపులాటిటీ నీ మళ్లీ కాపుడుకున్నాడు అయితే ఈ మధ్య గోపీచంద్ వరుస ఫ్లాప్స్ తో ఉక్కిరి బిక్కిరి అవుతున్నాడు. ఆ మధ్య లక్ష్యం తో హిట్ ట్రాక్ లోకి వచ్చిన మరలా ఫ్లాప్ లతో ఢీలా పడి పోయాడు. పైగా గౌతమ్ నందా సినిమాకు వచ్చిన హైప్, దాని ఫలితం వల్ల మరింత సమస్య అయింది.
ఇక ఆక్సిజన్ సంగతి తెలిసిందే. దీంతో మళ్లీ గోపీచంద్ ఎలాగైనా నిలదొక్కుకునే ప్రయత్నాలు చేస్తున్నారు. ఈ మధ్య వచ్చిన పంతం సినిమా కాస్త ఫరవాలేదనిపించింది. ఇటీవల హిందీ డబ్బింగ్ రైట్స్, డిజిటల్ రైట్స్ గోపీచంద్ సినిమాలకు బాగా పలుకుతున్నాయి. పైగా మాస్ మీడియం హీరోలు ఎవ్వరూ అంతగా కనిపించడం లేదు. కుర్రకారు హీరోలు అంతా క్లాస్ సినిమాల మీద దృష్టి పెడుతున్నారు. అందుకే గోపీచంద్ కు బాగానే ఆఫర్లు వస్తున్నాయి.
ప్రస్తుతం బివిఎస్ఎన్ ప్రసాద్ నిర్మాతగా ఓ సినిమా స్టార్ట్ చేస్తున్నారు. అలాగే దాంతోపాటే సంపత్ నంది డైరక్షన్ లో ఓ సినిమాను అక్టోబర్ లో స్టార్ట్ చేయబోతున్నారు. ఇవికాక మరో రెండు బ్యానర్లలో సినిమాలు చేయడానికి గోపీచంద్ ఓకె చేసినట్లు తెలుస్తోంది. ఈలెక్కన చూస్తుంటే గోపీచంద్ కు మాస్ సినిమాల కోసం డిమాండ్ బాగానే వున్నట్లు కనిపిస్తోంది. హిందీ డబ్బింగ్, శాటిలైట్, డిజిటిల్ అమౌంట్లు చాలావరకు ఖర్చుకవర్ చేస్తుండడంతో నిర్మాతలు ఇటు చూస్తున్నట్లు కనిపిస్తోంది.
