బాలీవుడ్ లో టెలివిజన్ లో వచ్చిన సర్కాస్ సీరియల్ తో ఎంట్రీ ఇచ్చిన షారూఖ్ ఖాన్ ఒక్కో మెట్టు ఎక్కుతూ..ఇప్పుడు టాప్ హీరోగా మారారు. బాలీవుడ్ లో టాప్ హీరో లీస్ట్ లో సల్మాన్, షారూఖ్, అమీర్ ఖాన్ ఉన్నారు. తాజాగా బాలీవుడ్ స్టార్ షారుక్ ఖాన్ హోస్ట్ చేస్తున్న 'దస్ కా దమ్' గ్రాండ్ ఫినాలెకు షారుక్ ఖాన్, రాణీ ముఖర్జీ ముఖ్యఅతిథులుగా హాజరయ్యారు. ఈ వారాంతం ప్రసారం అయ్యే ఈ షోకు సంబంధించిన ప్రోమో విడుదల చేశారు.
ఇందులో షారుక్‌ను తోపుడుబండిపై కూర్చొబెట్టి సల్మాన్ తోసుకుంటూ రావడం అందరినీ ఆశ్చర్య పరిచింది. దీంతో పాటు రాణి ముఖర్జీపై సల్మాన్ సంధించిన కొన్ని ప్రశ్నలు షోలో నవ్వులు పూయించగా... దానికి షారుక్ ఖాన్ సైడ్ కామెంట్స్ అందరూ కడుపుబ్బా నవ్వుకున్నారు. ఈ సందర్భంగా షారుక్ తన గతం గురించి చెప్పిన ఓ విషయం ఆసక్తిదాయకం. తాను తొలిసారి ముంబయికి వచ్చినప్పుడు, నటుడిగా కష్టాలు ఎదుర్కొంటున్న సమయంలో, తనకు సల్మాన్ ఖాన్ ఇంట్లో వాళ్లు భోజనం పెట్టారని షారుక్ గుర్తు చేసుకున్నాడు. సల్మాన్ ఫాదర్ సలీమ్ జీ నాకు ఎంతో సపోర్ట్ చేశారు.
నేను ఇపుడు ఈ స్థాయికి వచ్చానంటే దానికి కారణం వారి కుటుంబమే... అని షారుక్ అన్నారు. కేవలం వాళ్ల వల్లే తాను ఈ రోజున ఈ స్థితిలో ఉన్నానని.. షారుక్ ఖాన్ ని అయ్యానని భావోద్వేగం చెందాడు బాలీవుడ్ బాద్ షా. ఇక, ఈ షోకు తాను ముఖ్యఅతిథిగా హాజరు కావడాన్ని ప్రస్తావిస్తూ, కేవలం, సల్మాన్ ఖాన్ అడిగారు కనుకే ముఖ్యఅతిథిగా వచ్చానని, ఆయన ఎక్కడికి వెళ్లమంటే అక్కడికి వెళతానని నవ్వుతూ చెప్పాడు.
