ఈ మద్య టాలీవుడ్ లో మల్టీస్టారర్ సినిమాలకు ఎక్కువ ప్రాధాన్యత పెరిగిపోతుంది. స్టార్ హీరోలు సైతం మల్టీస్టారర్ సినిమాకే ఎక్కువ ప్రాధాన్యత ఇస్తున్నారు. గతంలో హాలీవుడ్ లో ఎక్కువగా ఈ సినిమాలు ఉండేవి..తర్వాత బాలీవుడ్ లో మొదలయ్యాయి. ప్రస్తుతం టాలీవుడ్ లో ఈ సాంప్రదాయం కొనసాగుతుంది. దాంతో అభిమానులు కూడా తమకు ఇష్టమైన హీరోలు ఒకే తెరపై కనిపించడంతో తెగ ఖుషీ అవుతున్నారు. తాజాగా టాలీవుడ్ మన్మధుడు నాగార్జున, నేచురల్ స్టార్ నాని కాంబినేషన్‌లో వస్తున్న మల్టీస్టారర్ సినిమా దేవదాసు షూటింగ్ పూర్తి చేసుకొన్నది.
ఈ సందర్భంగా మంగళవారం షూటింగ్స్ స్పాట్‌లో గుమ్మడి కాయ కొట్టి సెల్ఫీలతో హంగామా చేశారు. అలనాటి అక్కినేని నాగేశ్వర్ రావు నటించిన ‘దేవదాసు’ టైటిల్‌ను కొంచెం ఛేంజ్ చేసి ఈ మూవీకి ‘దేవదాస్’ టైటిల్ పెట్టారు. ఈ మూవీలో కింగ్ నాగార్జున ‘దేవ’ అనే డాన్ పాత్రను పోషిస్తున్నాడు. దేవదాస్ సినిమాలో నాగార్జున దేవగా మాఫియా డాన్ పాత్రలో కనిపించబోతున్నాడు. నాచురల్ స్టార్ నాని ‘దాస్’ అనే డాక్టర్ పాత్రలో నటిస్తున్నాడు.
ఇద్దరి పేర్లు కలిసి వచ్చేటట్టు ఈ మూవీకి ‘దేవదాస్’ టైటిల్ పెట్టారు. శాంతాబాయి హాస్పటల్ నేపథ్యంలో కామెడీ ఎంటర్టేనర్‌గా ఈ మూవీని తెరకెక్కించారు. శ్రీరామ్ ఆదిత్య డైరెక్ట్ చేస్తున్నఈ మల్టీస్టారర్ మూవీని వైజయంతి మూవీస్ బ్యానర్‌పై అశ్వనీదత్ భారీ బడ్జెట్‌తో నిర్మిస్తున్నాడు. ‘దేవదాస్’ మూవీలో నాగార్జున సరసన ఆకాంక్ష సింగ్ ..నాని సరసన ‘గీత గోవిందం’ ఫేమ్ రష్మిక మండన హీరోయిన్‌గా నటిస్తోంది. మణిశర్మ సంగీతం అందిస్తున్న ఈ మూవీని సెప్టెంబర్ 27న రిలీజ్ చేస్తున్నారు.
