టాలీవుడ్ లో సూపర్ స్టార్ మహేష్ బాబు అంటే ఎంత క్రేజ్ ఉందో కొత్తగా చెప్పాల్సిన అవసరం లేదు. కేవలం నటుడిగానే కాకుండా ఎన్నో యాడ్స్ లో దుమ్మురేపుతున్నాడు. ఈ సంవత్సరం కొరటాల శివ దర్శకత్వంలో వచ్చిన ‘భరత్ అనే నేను’ ఏకంగా రెండు వందల కోట్ల క్లబ్ లో చేరాడు. కేవలం స్టార్ ఇమేజ్‌ మాత్రమే కాదు నటుడిగానూ ఎన్నో అవార్డులు రివార్డులు అందుకున్నాడు మహేష్. ఈ జనరేషన్‌ నటుల్లో అత్యధిక నంది అవార్డులు అందుకున్న నటుడు కూడా మహేషే.
అలాంటి మహేష్ బాబు ని ఘోరంగా అవమానించాడు ఓ తమిళ నటుడు. తమిళనాట స్టాండప్‌ కమెడియన్‌గా గుర్తింపు కోసం ప్రయత్నిస్తున్న మనోజ్ ప్రభాకర్ పబ్లిసిటీ కోసం మహేష్ బాబు నటన మీద వివాదాస్పద వ్యాఖ్యలు చేశాడు. మహేష్ బాబుకు అసలు యాక్టింగ్ రాదనీ , కత్రినా కైఫ్ కు యాక్టింగ్ రాదని అలాంటి వాడే ఈ మహేష్ బాబు అని ఘోరంగా అవమానించాడు.
ఇప్పుడిప్పుడే తమిళ చిత్రాల్లో నటిస్తూ మంచి పాత్రల కోసం ఎదురు చూస్తున్న నటుడు ఈ మనోజ్ ప్రభాకర్. వాస్తవానికి ఈ వ్యక్తినే ఎవరూ సరిగ్గా గుర్తుపట్టలేరు ఎందుకంటే జూనియర్ ఆర్టిస్ట్ లాంటి వాడు కానీ ఏకంగా మహేష్ బాబునే కామెంట్ చేస్తూ సంచలనం సృష్టించాడు. మహేష్ బాబు కు అసలు నటనే రాదు, ఆయనది రాక్‌ ఫేస్‌.. స్పైడర్‌ సినిమాలో ఎస్‌జే సూర్య అద్భుతంగా నటిస్తుంటే హీరో మహేష్ మాత్రం ఎక్స్‌ప్రెషన్‌ లేకుండా అలా చూస్తుండిపోయాడు’ అంటూ కామెంట్ చేశాడు.
అంతేకాదు స్క్రీన్‌ మీద పెద్దరాళ్లను చూపిస్తూ మహేష్ బాబు ముఖాన్ని ఆ రాళ్లతో పోల్చి జోకులు పేల్చాడు.మనోజ్ ప్రభాకర్ మహేష్ పై చేసిన కామెంట్స్ వీడియో ఇప్పుడు సోషల్ మీడియాలో వైరల్ అవుతోంది . ఇక మహేష్ అభిమానులైతే మనోజ్ ప్రభాకర్ పై తీవ్ర ఆగ్రహం వ్యక్తం చేస్తున్నారు .
