రాధికా ఆప్టే ఈ పేరు గురించి తన బోల్డ్ క్యారెక్టర్ గురించి చెప్పాల్సిన పని లేదు. ఇటు బాలీవుడ్‌లోనేకాకుండా అటు టాలీవుడ్, కోలీవుడ్‌లలో బోల్డ్ బ్యూటీగా పేరుగడించింది. ఈ ముద్దుగుమ్మ అటు నటన విషయంలోనే కాకుండా నిజజీవితంలో కూడా తన అభిప్రాయాలను కుండబద్ధలు కొట్టినట్టు చెప్పేస్తుంది. అదేసమయంలో అప్పుడప్పుడు అవి వివాదాలను కొని తెచ్చుకోవడంలోనూ ముందు వరుసలో ఉంటుంది.
ఇకపోతే, రాధిక‌కు న్యూడ్ సీన్స్‌లో నటించడం కొత్తేమీ కాదు. 2015లో అనురాగ్ కశ్యప్ షార్ట్ ఫిలిం 'మ్యాడ్లీ'లో నగ్నంగా నటించింది. అప్పట్లో లీకైన ఆ న్యూడ్ క్లిప్ వాట్సాప్‌లో విపరీతంగా చక్కర్లు కొట్టింది. ఇక 2016లో 'పార్చ్‌డ్' సినిమాలో మరోసారి హాట్‌గా ఉండే న్యూడ్ సీన్స్‌లో యాక్ట్ చేసింది. ఇందులో ఆదిల్ హుస్సేన్‌తో కలిసి నటించిన న్యూడ్ సీన్ లీకై సోషల్ మీడియా సెన్సేషన్‌గా మారింది కూడా.
ఈ పరిస్థితుల్లో రాధికా ఆప్టే తాజాగా అనైతా ష్రాఫ్ నిర్వహించే 'ఫీట్ అప్' అనే షోలో పాల్గొంది. అక్కడ ఇలాంటి వాటిగురించి మాట్లాడుతూ "నాకు అసలు లీక్స్ గురించి తెలీదు. మా అమ్మ చెప్పింది. ఎవరో ఆ న్యూడ్ వీడియోను అమ్మ‌కు పంపారట. దాంతో షాక్ అయ్యా. మొదటి సారి అలా జరగడంతో పిచ్చెక్కినట్టయింది'. ఇక మరోసారి తన డ్రైవర్ లీకైన క్లిప్స్ గురించి చెప్పాడు. ఇక ఇప్పుడు అందరికీ తెలిసిందే కాబట్టి అలాంటి వాటి గురించి పట్టించుకోవడం మానేసినట్టు ఈ బోల్డ్ నటి చెప్పుకొచ్చింది.
