టాలీవుడ్ లో ఇప్పటి వరకు ‘అరుంధతి`, `బాహుబలి`, `రుద్రమదేవి`, `భాగమతి` వంటి భారీ సినిమాలతో నెంబర్ వన్ హీరోయిన్ గా గుర్తింపు తెచ్చుకుంది అనుష్క. `భాగమతి` తర్వాత ఇప్పటివరకు అనుష్క మరో సినిమాను అంగీకరించలేదు. దీంతో త్వరలోనే అనుష్క పెళ్లి అంటూ వార్తలు పుట్టుకొస్తున్నాయి. గతంలో అనుష్క, ప్రభాస్ ల పెళ్లి జరగబోతుందని..మిర్చి సినిమా తర్వాత వీరిద్దరూ గాఢంగా ప్రేమించుకుంటున్నారని పెద్దలను ఒప్పించి పెళ్లి కూడా చేసుకోబోతున్నారని రూమర్లు తెగ పుట్టుకొచ్చాయి. కానీ తమ మద్య స్నేహ సంబంధమే కానీ పెళ్లి చేసుకోబోము అని క్లారిటీ ఇచ్చారు.
ఈ మద్య ప్రభాస్కు ఆప్యాయంగా పుట్టినరోజు విషెస్ చెప్పిన అనుష్క.. తన తర్వాతి పోస్టులో కాలి వేళ్లకు ఆకులను మెట్టెలుగా పెట్టుకుని మరీ పెళ్లి హింట్ ఇచ్చింది. అంతే ఆ ఫోటో సోషల్ మీడియాలో తెగ వైరల్ అవుతుంది. తాజాగా ఈ ఫోటోపై అనుష్క క్లారిటీ ఇచ్చింది. తాను ఇన్ స్టాగ్రామ్ లో పోస్టు చేసిన ఫొటోకు, పెళ్లికి సంబంధం లేదని అనుష్క చెబుతోంది. ప్రస్తుతం బరువు తగ్గేందుకు నార్వేలోని ఓ ప్రకృతి వైద్య శాలలో అనుష్క చేరింది. దట్టమైన అడవుల్లో ఈ వైద్య శాల ఉంది. అక్కడామె బరువు తగ్గే ప్రయత్నాలు చేస్తోంది.
ఇక్కడ వైద్యం ఎంతో నేచురల్ గా ఉంటుంది..అంతే కాదు ఇక్కడ ప్రకృతి సౌందర్యం చూస్తుంటే నన్ను నేనే మర్చిపోతున్నానని అంటుంది. సార్టులానే ఉండే ఈ హెల్త్ సెంటర్ లో నాచురోపతీ పద్దతిలో చికిత్స ఉంటుందట. ఖాళీ సమయాల్లో ఆ అడవుల్లో తిరుగుతూ, ప్రకృతి సౌందర్యానికి మైమరచిపోయి, తన కాలికి తగిలిన తీగను ఫొటోతీసి పోస్టు చేసిందట. మొత్తానికి ఈ మద్య సెలబ్రెటీలు ఏం చేసినా దానికి విపరీతమైన లైక్స్, కామెంట్స్ రావడంతో పాపులారిటీ పెరిగిపోతుంది.