భారతీయ చలన చిత్ర రంగంలో ఆమె పాటలు మధురామృతం. వెల సంఖ్యలో పాడిన ప్రతి పాటకు ఓ ప్రత్యేకత ఉంటుంది..మళ్లీ మళ్లీ వినాలనిపించేంత మధురంగా ఉంటాయి. ఇంతకీ ఎవరా మధరగాయనీ అనుకుంటున్నారా..ఆమె లతా మంగేష్కర్. ఏడు దశాబ్దాలుగా ఆమె సినిమాల్లో పాటలు పాడుతున్నారు. చిన్న వయసులోనే ఇండస్ట్రీలోకి ఎంట్రీ ఇచ్చి పాటలు పాడటం మొదలు పెట్టిన లతా మంగేష్కర్ ఇప్పటి ఆమె పాట కోసం ఎదురు చూస్తున్న అభిమానులు కోట్ల సంఖ్యలో ఉన్నారు.
ఆమె పాట పాడితే అది ఎవరు పాడారో చెప్పక్కర్లేదు. దేశంలో అందరూ ఆమె పాటని అంతగా గుర్తు పడతారు. అందుకే ఆమెను గానకోకిల అని అంటారు. బాలీవుడ్ సింగర్స్ లో ఆమె ఒక లెజెండ్. ఒక్క భారత దేశంలోనే కాదు ప్రపంచ స్థాయిలో ఆమె పాటలకు ఎంతో గుర్తింపు ఉంది. ఆమె కెరీర్ లో ఎన్నో అవార్డులు, రివార్డులు అందుకున్నారు. అంత గొప్ప గాయనికి ఓ ఫ్యాన్ ఓ అభిమాని ఫ్లవర్ పంపించారు. దానికి లత అని పేరు పెట్టారట. తన అభిమాని పంపించిన అపురూప కానుకకు లతా మంగేష్కర్ ముగ్దురాలైంది..ఎంతో సంతోషించింది.
ఈ విషయాన్ని తన ట్విట్టర్ ద్వారా తెలియజేస్తూ ఆనందం వ్యక్తం చేసింది. నమస్కారం.. ఈ పువ్వు నా హృదయాన్ని టచ్ చేసింది. అందుకే ఈ విషయాన్ని మీ అందరి తో షేర్ చేసుకుంటున్నాను. తన అభిమాని పేరు శాంటియాగో లోపేజ్ స్పానిష్లో పుట్టి అర్జెంటీనాలో నివసిస్తున్నారు. ప్రస్తుతం ఆయన సంస్కృతం, హిందీ, యోగా వంటివి ఆయన నేర్చుకుంటున్నారు. వృత్తిరిత్యా ఆయన ఫ్లోరిస్ట్. పువ్వుకు ఆయన లతా అని పేరు పెట్టారు. దానికి నేను ఎంతగానో సంతోషిస్తున్నాని ఆమె ట్వీట్లో తెలిపారు.