మాజీ విశ్వసుందరి, బాలీవుడ్ అందాల భామ హైదరాబదీ అయిన సుస్మితా సేన్ పెళ్లి పీటలెక్కబోతున్నారా? అనే ప్రశ్నకు అవును అంటూ బాలీవుడ్ వర్గాల నుంచి సమాదానాలు వినిపిస్తున్నాయి. అప్పట్లో అక్కినేని నాగార్జున నటించిన ‘రక్షకుడు’ సినిమాలో హీరోయిన్ గా పరిచయం అయిన సుస్మిత సేన తర్వాత తమిళ, హిందీ భాషల్లో పలు సినిమాల్లో నటించారు. కొంతకాలంగా రోహ్మన్ షాల్ అనే మోడల్తో డేటింగ్లో సుస్మిత ఉన్నట్లు తనే ఇన్స్టాగ్రామ్ వేదికగా ప్రకటించారు.
కొన్ని వారాల క్రితమే పెళ్లి చేసుకుందామని రోహ్మన్ సుస్మితకు ప్రపోజ్ చేయడంతో అందుకు ఆమె కూడా ఒప్పుకోవడంతో ఇద్దరూ వివాహ బంధంతో ఒకటి కానున్నట్లు తెలుస్తుంది. ఓ ఫ్యాషన్ కార్యక్రమంలో సుస్మిత, రోహ్మన్ కలిసి ర్యాంప్ వాక్ చేశారు. ఆ సమయంలోనే వీరిద్దరి మధ్య స్నేహం చిగురించి అది ప్రేమగా మారింది. ఆ తర్వాత సుస్మిత, రోహ్మన్ కలిసి పలు పార్టీలకు కలిసే హాజరయ్యేవారు. దీపావళి పండుగ నాడు సుస్మిత.. రోహ్మన్, తన ఇద్దరు పిల్లలతో కలిసి దిగిన ఫొటోను ఇన్స్టాగ్రామ్లో పోస్ట్ చేశారు.
దాంతో వీరిద్దరూ పెళ్లి చేసుకోబోతున్నారని వస్తున్న వార్తలకు మరింత బలం చేకూరింది. 42 ఏళ్ల వయసున్న సుస్మితా సేన్ ఇప్పటికే ఇద్దరు పిల్లలను దత్తత తీసుకున్న సంగతి తెలిసిందే. కాకపోతే ఆమె ఇప్పటి వరకు ఎవరినీ వివాహం చేసుకోలేదు. ఈ మద్య బాలీవుడ్ లో హీరోయిన్లు వరుసగా పెళ్లి పీటలు ఎక్కుతున్న విషయం తెలిసిందే. దీపికా పదుకొనె, ప్రియాంక చోప్రాలు త్వరలో తమకు నచ్చిన ప్రేమికులను పెళ్లి చేసుకోబోతున్నారు. అంతే కాదు ఈ మద్య నటి, డ్యాన్సర్ మల్లికా అరోరా కూడా త్వరలో పెళ్లి చేసుకోబోతుందని వార్తలు వినిపిస్తున్నాయి. మొత్తానికి బాలీవుడ్ లో హీరోయిన్లు పెళ్లిళ్లతో బిజీ అవుతున్నారు.