ప్రముఖ బాలీవుడ్ యాక్ట్రెస్ ప్రియాంకా చోప్రా డిసెంబర్ 2న అమెరికన్ పాప్ సింగర్ నిక్ జోనాస్ ను పెళ్లాడిన విషయం తెలిసిందే. బాలీవుడ్ సినిమాలు చేస్తూ హాలీవుడ్ క్వాంటికో సీరీస్ లతో ఫేమస్ అయిన ప్రియాంకా చోప్రా అక్కడ సూపర్ క్రేజ్ తెచ్చుకుంది. ఇక నిక్ తో పరిచయం ప్రేమగా మారి పెళ్లికి దారి తీసింది.
అయితే నిక్ జోనాస్ ఈ పెళ్లి అయిష్టంగానే చేసుకున్నాడట. జస్ట్ ఎంజాయ్ చేసి వదిలేద్దామనుకున్న ప్రియాంకా పట్టుబట్టి పెళ్లి దాకా తెచ్చిందట. అదేంటి శుభమాని పెళ్లి చేసుకుంటే ఈ జంట మీద ఇలా అబాండాలు ఎందుకు వేస్తున్నారు అంటే ఈ విషయం ప్రచురించింది ప్రముఖ న్యూయార్క్ మేగజైన్. ఆ మేగజైన్ వెబ్ సైట్ లో కూడా ఈ వార్త వచ్చింది.
కేవలం ఇద్దరు సరదాగా ఎంజాయ్ చేద్దామని అనుకునే రిలేషన్ షిప్ లో దిగారని. కాని ప్రియాంకా అతన్ని పెళ్లి దాకా తీసుకెళ్లిందని ఆ వార్త కథనం. అయితే దీనిపై ప్రియాంకా, నిక్ జోనాస్ లు మండి పడుతున్నారు. ఆ వార్తల్లో ఎలాంటి నిజం లేదని చెబుతున్నారు. నిక్ జోనాస్ సోదరుడు జో జోనాస్ ఇలాంటి వార్తలు ప్రచురించినందుకు మేగజైన్ వారు సిగ్గు పడాలని అన్నారు.
జాతి వివక్ష వల్లే ఇలాంటి వార్తలు రాశారంటూ సోనం కపూర్ మండి పడ్డారు. ఈ కథనంపై వస్తున్న విమర్శలు తట్టుకోలేక వెబ్ సైట్ నుండి ఆ ఆర్టికల్ తీసేశారు. నిక్, ప్రియాంకాలు మాత్రం ఆ మేగజైన్ మీద సీరియస్ యాక్షన్ తీసుకునేలా ప్లాన్ చేస్తున్నారు. పెళ్లి మీడ్ ను డిస్ట్రబ్ చేసేలా ఆ వార్త సెన్సేషన్ అవడం జరిగింది.
