గత కొన్ని రోజులుగా బాలయ్య వర్సెస్ నాగబాబు యుద్దం సోషల్ మీడియాలో హాట్ టాపిక్ గా మారింది. గతంలో బాలకృష్ణ చేసిన వ్యాఖ్యలపై ఇప్పటి వరకు ఐదు కౌంటర్ వీడియోలు రిలీజ్ చేశారు నాగబాబు. అయితే ఇది ఇప్పుడు హీరోల మద్య కాకుండా ఫ్యాన్స్ మద్య పెద్ద వివాదంగా రాజుకుంది. తమ హీరోపై కామెంట్ చేస్తారా అని నాగబాబు పై బాలయ్య ఫ్యాన్స్ ఫైర్ అవుతుంటే..మెగా ఫ్యాన్స్ బాలయ్యపై ట్రోలింగ్ చేస్తున్నారు. తాజాగా ఈ వివాదంపై మరోసారి స్పందించారు నాగబాబు.
నాగబాబు ఇంతకాలం తర్వాత బాలకృష్ణ విమర్శలపై స్పందించారేంటి? దీని వెనుక రాజకీయ కారణం ఉందా? అని కొందరు మీడియా మిత్రులు తనను అడిగారని మెగాబద్రర్ నాగబాబు తెలిపారు. తాము సంస్కారం ఉన్న కుటుంబం నుంచే వచ్చామని..కల్చర్ వున్నాయి కాబట్టి ప్రతీ అడ్డమైన దానికి రియాక్ట్ కాలేదని వ్యాఖ్యానించారు. నందమూరి బాలకృష్ణ కామెంట్లకు కౌంటర్ గా నాగబాబు ఆరో వీడియోను విడుదల చేశారు. విమర్శలు భరించి, భరించి, భరించి ఒళ్లు మండిపోయి ఇప్పుడు స్పందిస్తున్నామని నాగబాబు తెలిపారు. గతంలో నందమూరి బాలకృష్ణ ఓసారి మీడియాతో మాట్లాడుతూ..‘చిరంజీవి ఎన్టీఆర్ కాలిగోటికి కూడా సరిపోడు’ అని వ్యాఖ్యానించారని మెగాబ్రదర్ నాగబాబు అన్నారు.
ఈ క్లిప్పింగ్ ఆంధ్రజ్యోతి పత్రికలో కూడా వచ్చిందన్నారు. ఈ మాటలతో తమకు చాలా బాధ కలిగిందన్నారు. కానీ ఆ సమయంలో చిరంజీవి ఎంతో విజ్ఞతతో బాలయ్య చిన్నపిల్లాడు. ఆయన ఏం మాట్లాడుతాడో ఆయనకే తెలియదు అని వదిలేశారని గుర్తుచేశారు. చిరంజీవి కాలిగోటికి కూడా బాలకృష్ణ సరిపోడు’ అని చెబితే మీకు ఎలా ఉంటుంది? సర్.. మర్యాదగా చెబుతున్నా మీకు.. దయచేసి మాట్లాడేటప్పుడు నోరును అదుపులో పెట్టుకోండి. మీరు వంద విమర్శలు చేయండి.
కానీ లూజ్ టంగ్ తో మాట్లాడకండి. కేవలం సంస్కారంతోనే మేం ఆగుతున్నాం. ఇక్కడ ఎవరూ ఎవరికీ భయపడరు. పవన్ కల్యాణ్ ను రాజకీయంగా ఎదుర్కోవాలనీ, రాజకీయ విమర్శలు చేయొచ్చని నాగబాబు స్పష్టం చేశారు. అలాంటి వాటిపై తాను రియాక్ట్ కాబోనన్నారు. తమ అన్నదమ్ముల మధ్య చాలా విషయాల్లో భేదాభిప్రాయాలు ఉంటాయనీ, కానీ తాము ముగ్గురం కలిసే ఉంటామని స్పష్టం చేశారు. ‘థ్యాంక్యూ బాలయ్య గారూ.. ఇకపై మీరు దీన్ని కొనసాగించాలనుకుంటే మీ ఇష్టం. మెగా ఫ్యాన్స్ కు ఒకటే విన్నపం.. మనం చెప్పాల్సింది చెప్పాం. ఇకపై దీన్ని ఇష్యూ చేయకండి అంటూ తన వ్యాఖ్యలు పూర్తి చేశారు.
