కోలీవుడ్ లో సూపర్ స్టార్ రజినీకాంత్ తర్వాత మాస్ ఫాలోయింగ్ సంపాదించిన హీరో అజిత్ కుమార్. ఈ హీరో నటిస్తున్న సినిమా రిలీజ్ అవుతుందంటే చాలు థియేటర్ల ముందు నానా హంగామా చేస్తుంటారు. ఆ మద్య రజినీకాంత్ నటించిన పెట్టా, అజిత్ నటించిన విశ్వాసం రెండు సినిమాలు ఒకే రోజు విడుదల కావడం..ఫ్యాన్స్ మద్య పెను వివాదం నెలకొంది. కొంత మంది థియేటర్ల ముందు ఫైటింగ్ చేసుకోవడం కత్తులతో పొడుచుకోవడం కూడా జరిగింది. అయితే ఈ విషయం తెలుసుకున్న అజిత్ తన అభిమానులకు ఇలాంటివి మరోసారి రిపీట్ కావొద్దని కాస్త గట్టిగానే చెప్పినట్లు సమాచారం.
అజిత్ నటన చాలా నేచురల్ గా ఉంటుందని..నెరసిన జుత్తు, మీసకట్టుతోనే ఆయన నటిస్తుంటారని..అలాంటి సినిమాలు ఫ్యాన్స్ తెగ ఇష్టపడుతున్నారని తమిళ నాట టాక్. ఈ సంవత్సరం రిలీజ్ అని ‘విశ్వాసం’తమిళ నాట సూపర్ హిట్ అయ్యింది. జనవరి 10వ తేదీన థియేటర్లకు వచ్చిన ఈ సినిమా తమిళంలో భారీ వసూళ్లను రాబట్టింది. నయనతార కథానాయికగా నటించిన ఈ సినిమాను అదే సమయంలో తెలుగులోను విడుదల చేయాలనుకున్నారు.
కాకపోతే ఆ సమయంలో వరుసగా ఎన్టీఆర్ కథానాయకుడు, వినయవిధేయ రామ, ఎఫ్ 2, పేటా మూవీలు రిలీజ్ కావడంతో ‘విశ్వాసం’వాయిదా వేశారు. తెలుగులో అజిత్ కి మంచి క్రేజ్ వుంది .. ఇక నయనతారకి తెలుగులో పెద్ద సంఖ్యలో అభిమానులు వున్నారు. ఈ సినిమాలో విలన్ పాత్రను చేసింది జగపతిబాబు కావడం తెలుగు వెర్షన్ కి కలిసొచ్చే ప్రధానమైన అంశం. అందుకే ఈ సినిమా మార్చి1వ తేదీన విడుడల చేయడానికి రంగం సిద్దం చేసినట్లు సమాచారం.
