టాలీవుడ్ నేచురల్ స్టార్ నాని ‘భలే భలే మగాడివోయ్’ సినిమా తర్వాత వరుస విజయాలు అందుకుంటున్న విషయం తెలిసిందే. ఒకటీ రెండు సినిమా తప్ప నాని నటించిన సినిమాలకు మంచి డిమాండ్ పెరిగిపోయింది. క్రికెట్ నేపథ్యంలో సాగే కథలో న్యాచురల్ స్టార్ నాని నటిస్తున్న తాజా సినిమా జెర్సీ షూటింగ్ పూర్తయ్యింది. ఈ సినిమా షూటింగ్ ఆఖరి దశలో మనం ఫేమ్ విక్రమ్ కుమార్ తో మరో సినిమాకు కమిట్ అయ్యాడు నాని. ఈ మద్య విక్రమ్ కుమార్, నాని సినిమాకు సంబంధించిన కొత్త సినిమా ముహూర్తం కూడా జరుపుకుంది.
ఈ సినిమా టైటిల్ ఒకప్పుడు మూవీ ఇండస్ట్రీని షేక్ చేసిన మెగాస్టార్ సినిమా ‘గ్యాంగ్ లీడర్’ టైటిల్ ఖరారు చేశారు. ఇందులో నాని డిఫరెంట్ రోల్ లో నటిస్తున్నాడు. ఇక ఆర్ఎక్స్ 100 హీరో కార్తికేయ నెగిటివ్ రోల్ లో నటిస్తున్నాడు. షూటింగ్ స్టార్ట్ చేసి కొన్ని రోజులు కూడా కాకుండానే అప్పుడే ఓవర్సీస్ బిజినెస్ కంప్లీట్ ఆయ్యింది.
ఈ రైట్స్ ను సరిగమ సినిమాస్ 5 కోట్లు వెచ్చించి సొంతం చేసుకుంది అని టాక్. ఈ కొత్త మూవీ ఈ రేంజ్ లో బిజినెస్ చేయడం ప్రస్తుతం ట్రేడ్ సర్కిల్లో హాట్ టాపిక్ అవుతుంది. ఈ మూవీ ప్రముఖ నిర్మాణ సంస్థ మైత్రి మూవీ మేకర్స్ వారు నిర్మిస్తున్నారు. అనిరుధ్ సంగీతం అందిస్తున్న ఈ సినిమాలో ప్రియాంక అరుళ్ మోహన్ కథానాయికగా నటిస్తుంది.
