టాలీవుడ్ లో బాహుబలి లాంటి గొప్ప సినిమాలో నటించడం ప్రభాస్ చేసుకున్న అదృష్టం అనొచ్చు. ఈ సినిమా జాతీయ స్థాయిలోనే కాదు ప్రపంచ స్థాయిలో ఎంతో పేరు తెచ్చుకుంది..బాహుబలిగా నటించిన ప్రభాస్ కి ఆ రేంజ్ లో పేరు వచ్చింది. దర్శకధీరుడు రాజమౌళి ఎంతో ప్రతిష్టాత్మకంగా తీసిన ‘బాహుబలి, బాహుబలి2’సినిమా కోసం ప్రభాస్ ఏకంగా ఐదు సంవత్సరాలు తన టైమ్ ఇచ్చిన విషయం తెలిసిందే. బాహుబలి 2 సినిమా తర్వాత ఆయనపై అంచనాలు బారీగా పెరిగిపోయాయి. సంవత్సరం గ్యాప్ తీసుకున్న తర్వాత తన స్నేహితుడైన యంగ్ డైరెక్టర్ సుజీత్ తో ‘సాహూ’సినిమాలో నటిస్తున్నారు ప్రభాస్.
యువి క్రియేషన్స్ వారు ఈ సినిమాని దాదాపు 300 కోట్ల భారీ బడ్జెట్ తో తెరకెక్కిస్తున్నారు. వాస్తవానికి ఈ సినిమా మొదలు పెట్టి చాలా కాలం అవుతున్నా క్వాలిటీ విషయంలో ఎక్కడా కాంప్రమైజ్ కాకుండా చూస్తున్నారు. ఇటీవల శ్రద్ధా కపూర్ పుట్టిన రోజు సందర్భంగా ఈ సినిమా నుంచి 'షేడ్స్ ఆఫ్ సాహో చాప్టర్ 2' పేరుతో మేకింగ్ వీడియోను విడుదల చేశారు. ఈ వీడియోకి వస్తోన్న రెస్పాన్స్ అంతా ఇంతా కాదు. 24 గంటల్లోనే 12 మిలియన్లకి పైగా వ్యూస్ వచ్చాయి. సోషల్ మీడియా ద్వారా 24 గంటల్లోనే అత్యధిక స్థాయిలో 79 మిలియన్ల మందికి రీచ్ అయింది. అదే 24 గంటల్లో 2.9 మిలియన్లకి పైగా లైక్స్ ను సాధించింది.
ఈ సినిమా యొక్క ఓవర్సీస్ రైట్ ని ఫార్స్ అనే సంస్థ దాదాపు 42 కోట్లు పెట్టి కొన్నారని వార్తలు వచ్చాయి. ఇండియా లోనే ఒక సౌత్ సినిమా కి ఈ రేంజ్ లో పెట్టడం ఇదే మొదటి సారి. సినిమా తెలుగు, హిందీ, తమిళ బాషల్లో తెరకెక్కుతుంది కాబట్టి తప్పకుండా సినిమా అంతకు మించి వసూలు చేస్తుంది అని ట్రేడ్ పండితుల అంచనా. ఇక 24 గంటల్లోపు ఆ రేంజ్ లో వ్యూస్ ను .. లైక్స్ రాబట్టిన మేకింగ్ వీడియోగా 'సాహో' కొత్త రికార్డును సృష్టించింది. మొత్తానికి రిలీజ్ కి ముందే ఈ సినిమా రికార్డ్స్ సెట్ చెయ్యడం స్టార్ట్ చేసింది.
