టాలీవుడ్ లో కాస్టింగ్ కౌచ్ పై ఎన్నో సంచలనాలు సృష్టించింది నటి శ్రీరెడ్డి. టాలీవుడ్ లో కి హీరోయిన్లుగా రావాలంటే కొంత మంది దళారుకు దాసోహం అనాలని..వారికి పడక సుఖం ఇస్తే కానీ ఛాన్సు ఇవ్వరని ఆమె ఆరోపించింది. ఇదే సందర్భంలో పవర్ స్టార్ పవన్ కళ్యాన్ సైతం ఇలా అన్యాయం అవుతున్న ఆడపిల్లను పట్టించుకోరని..ఆడపిల్లల రక్షణ గురించి మాట్లాడే ఆయన టాలీవుడ్ లో ఎన్నో అన్యాయాలు జరుగుతున్నా కనీసం మాట్లాడరని ఆరోపించింది. అప్పటి నుంచి శ్రీరెడ్డి వర్సెస్ పవన్ కళ్యాన్ ల మద్య యుద్దం కొనసాగుతూనే ఉంది.
మెగా బ్రదర్ నాగబాబు ఇటీవల యూట్యూబ్లో ఛానెల్ పెట్టి పలు వీడియోలను పోస్ట్ చేస్తున్నారు. ఈ సందర్భంగా ఆయన అధికార పార్టీ, ప్రతి పక్ష పార్టీలను టార్గెట్ చేసుకొని ఎన్నో వీడియోలు పోస్ట్ చేయడం అవి వైరల్ అవ్వడం చూస్తూనే ఉన్నాం. ఇటీవల చంద్రబాబుకు రాజకీయాల నుండి రిటైర్మెంట్ కల్పిస్తామంటూ వ్యంగ్యంగా ఓ వీడియో రూపొందించారు. తాజాగా దీనికి కౌంటర్ గా శ్రీరెడ్డి సంచలన వ్యాఖ్యలు చేసింది. నాగబాబు పోస్ట్ చేసిన వీడియోలో చంద్రబాబు రిటైర్మెంట్ తీసుకోవాలని ఏదేదో చెప్తున్నాడు.
మీకు కౌంటర్ ఇవ్వడానికి నేనున్నానుగా అంటూ మొదలుపెట్టిన శ్రీరెడ్డి "చంద్రబాబుగారు చివరి శ్వాస వరకు రాజకీయాల్లో ఉంటానన్నారు. మెగా ఫ్యామిలీ అంతా కలిసి తమ్ముడిని సీఎం చేయడానికి రెడీగా ఉన్నారు. ఏపిలో చంద్రబాబు అంత అనుభవం ఉన్న నాయకుడు ఉన్నారా..? సీఎంగా ఏపీలో... మీ తమ్ముడా? అతడు సీఎం అయినా ఏం పొడుస్తాడు. రాష్ట్రంలో ఉన్న కన్నె పిల్లలందరిని పెళ్లి చేసుకుంటాడా లేక సోషల్ మీడియాలో ట్రోలింగ్ చేయిస్తాడా" అంటూ మండిపడింది.
చంద్రబాబు వయస్సు 70 ఏళ్లు, కాబట్టి రిటైర్ కావాలంటున్నావు, మరి నీ వయస్సు 60 ఏళ్లు, ఈ వయస్సులో పిల్లలకు పెళ్లి సంబంధాలు చూసుకోకుండా జబర్దస్త్లో ఆ వెకిలి నవ్వులెందుకు నవ్వుతామ్...చిరంజీవి షష్టిపూర్తి అయ్యాక కూడా ఇంకా రిటైర్ కాకుండా సినిమాలెందుకు చేస్తూ కష్టపడుతున్నారు. నా ప్రశ్నలకు మీ వద్ద సమాధానం ఉందా అంటూ ప్రశ్నించింది శ్రీరెడ్డి.