ఈ మద్య కొన్ని సినీమా షూటింగ్స్ లో దారుణమైన ప్రమాదాలు జరుగుతున్నాయి. ఆ మద్య కన్నడ మూవీ చిత్రీకరణ చేస్తున్న సమయంలో ఇద్దరు స్టంట్ మాన్స్ చెరువులో పడి చనిపోయారు. ఆ మద్య హీరో గోపించంద్ కి కాలుకి ప్రమాదం జరిగింది..జెర్సీ షూటింగ్ సమయంలో హీరో నాని ముక్కుకు దెబ్బ తగిలిందని ఓ ఇంటర్వ్యూలో చెప్పారు. ఇలా షూటింగ్ సమయంలో ఎన్ని జాగ్రత్తలు తీసుకుంటున్నా ప్రమాదాల నుంచి మాత్రం తప్పించుకోలెక పోతున్నారు.
తాజాగా బాలీవుడ్ నటుడు విక్కీ కౌశల్ ప్రధాన పాత్రలో వచ్చిన యురి..ది సర్జికల్ స్ట్రైక్ సినిమా బాక్సాపీస్ వద్ద మంచి విజయాన్ని అందుకున్న విషయం తెలిసిందే. యురి విజయంతో ఫుల్ జోష్ మీదున్న విక్కీ కౌశల్ స్వాతంత్రోద్యమకారుడు ఉధమ్ సింగ్ జీవితచరిత్ర ఆధారంగా తెరకెక్కనున్న ‘ఉధమ్సింగ్’ మూవీలో నటిస్తున్నాడు. విక్కీ డోనార్, పింక్, అక్టోబర్, పికు సినిమాల దర్శకుడు సూజిత్ సర్కార్ ఈ ప్రాజెక్టును డైరెక్ట్ చేస్తున్నాడు. ఈ మూవీతో పాటు విక్కీ కౌశల్ భాను ప్రతాప్ సింగ్ దర్శకత్వంలో తెరకెక్కుతున్న గుజరాత్ అనే హరర్ మూవీ చిత్రీకరణలో పాల్గొంటున్నాడు.
షూటింగ్ సమయంలో ఓ డోర్ వచ్చి విక్కీ కౌశల్ పై పడటంతో అతని దవడ ఎముక విరిగింది. వెంటనే అతనికి ప్రాధమిక చికిత్స చేసి ముంబై తీసుకెళ్ళారు. ఆ దవడకి 13 కుట్లు పడ్డాయని తరణ్ ఆదర్శ్ ఆన ట్విట్టర్ ద్వారా తెలిపారు. గుజరాత్ హర్రర్ మూవీలో విక్కీ కౌశల్ సరసన భూమి పడ్నేకర్ హీరోయిన్ గా నటిస్తుంది.