హీరోలు, హీరోయిన్లు అంటి వెర్రి అభిమానం చాటుకునే వారు ఎంతో మంది ఉన్నారు.  గతంలో తమిళ నాట ఖుష్బూకి ఏకంగా ఓ గుడి కట్టించిన విషయం తెలిసిందే.  ఇలా చాలా మంది హీరో, హీరోయిన్లు తమ ఆరాద్య దైవంగా గుండెల్లో పూజీంచుకుంటారు వీరాభిమానుల. కొన్ని సార్లు అభిమానం కట్టలు తెంచుకోవడం చూస్తుంటారు..తమ హీరో గొప్ప అంటే తమ హీరో గొప్ప అని తన్నుకొని చనిపోయిన సందర్బాలు కూడా ఉన్నాయి.  కొంత మంది హీరోలు చూడటానికి ఎన్నో కష్టాలు పడటం..తమ వద్ద డబ్బు పోగొట్టుకొని ఇబ్బందులు పడటం ఇలాంటి సంఘటనలు ఎన్నో జరిగాయి. 

మరికొంత మంది హీరోల అభిమానులు తమ హీరోకి సంబంధించి పెద్ద పెద్ద కటౌట్లు ఏర్పాటు చేసి పాలాభిషేకాలు చేస్తుంటారు.  తాజాగా తమిళ, తెలుగు భాషల్లో గత శుక్రవారం రిలీజ్ అయిన ‘కాంచన 3’సినిమా హీరో లారెన్స్ ఆయన అభిమాని చేసిన సాహసోపేతమైన ఫీట్ కి అందరూ షాక్ తిన్నారు.   భారీ క్రేన్ సహాయంతో తన చేతుల మీదుగా లారెన్స్ కటౌట్‌కి పూలమాల వేసి పాలాభిషేకం చేశాడు. ఆ వీడియో సోషల్ మీడియాలో వైరల్ అవుతూ లారెన్స్ దృష్టికి వెళ్లింది. తాజాగా ఈ విడియో హీరో లారెన్స్ చూసి షాక్ తిన్నారట..ఈ సందర్భంగా ఆయన తన అభిమానులకు సందేశాన్ని ఇచ్చారు. 

అభిమానులు, స్నేహితులకు నా విన్నపం. ఓ అభిమాని క్రేన్‌కు వేలాడుతూ థియేటర్ ముందున్న నా బ్యానర్‌కు పాలాభిషేకం చేస్తున్న వీడియోను చూశాను. ఆ వీడియో చూసిన తర్వాత నాకు చాలా బాధనిపించింది. మీ ప్రాణాలను రిస్క్‌లో పెట్టి.. నాపై ఉన్న ప్రేమను చూపడం సరికాదు. మీ కోసం ఇంటి దగ్గర కుటుంబ సభ్యులు ఎదురు చూస్తుంటారు.

నిజంగా మీకు నాపై ఉన్న ప్రేమను నిరూపించుకోవాలని ఉంటే.. పేద పిల్లలకు పుస్తకాలు కొనివ్వండి, ఫీజులు కట్టలేని వారికి ఫీజులు కట్టండి, ఆహారం లేక ఇబ్బంది పడుతున్న వృద్ధులకు అన్నం పెట్టండి. అదే నాకు సంతోషాన్నిస్తుంది, గర్వపడేలా చేస్తుంది.  అంతే కానీ జీవితాలు రిస్క్ లో పెట్టి ఇలాంటి సాహసాలు మాత్రం చేయొద్దు అని అన్నారు. 


మరింత సమాచారం తెలుసుకోండి: