ఈ మద్య స్టార్ హీరో, హీరోయిన్లు ఏం చేసినా సోషల్ మీడియాలో క్షణాల్లో వైరల్ అవుతున్న విషయం తెలిసిందే. ఈ విషయాలు తెలిసి కూడా కొంత మంది పబ్లిక్ గానే హంగామా చేస్తున్నారు. తాజాగా 'మణికర్ణిక' సినిమాతో హిందీ టీవీ నటి అంకిత లోఖండే జుల్కరి బాయ్ పాత్రతో మంచి పేరు తెచ్చుకున్నారు. ఈ సినిమా తర్వాత ఆమెకు వరుసగా బాలీవుడ్ లో ఛాన్సులు వస్తున్నాయి.
అంకిత లోఖండే గతంలో సుశాంత్ రాజ్ పుత్ సింగ్ తో ప్రేమ వ్యవహారం అప్పట్లో సోషల్ మీడియాలో హాట్ టాపిక్ గా నడిచింది. అయితే కొంత కాలం తర్వాత వీరి మద్య విభేదాలు రావడంతో సుశాంత్ రాజ్ పుత్ సింగ్ కి బ్రేకప్ చెప్పేసింది. ఈ మద్య ఆమె ముంబైకి చెందిన వ్యాపారవేత్త విక్కీ జైన్ తో సన్నిహితంగా ఉంటున్నట్లు బాలీవుడ్ లో వార్తలు హల్ చల్ చేస్తున్నాయి.
కాగా, ఈ విషయం పై అంకిత లోఖండే స్పందిస్తూ.. విక్కీ జైన్ ప్రేమలో ఉన్నానని తెలిపింది. విక్కీ చాలా మంచి వాడని..మంచి మనసున్న వ్యక్తి అని తమ అభిరుచులు కలిసాయని..సమయం వచ్చినప్పుడు అన్ని విషయాలు వెల్లడిస్తానని తెలిపింది. ఒకవేళ పెళ్లి చేసుకుంటే అందరినీ పిలిచే చేసుకుంటానని.. ప్రస్తుతానికి అటువంటి ప్లాన్స్ లేవని చెప్పింది.
తాజాగా ఈ జంట ఓ పెళ్లివేడుకకు హాజరయ్యారు..ఈ సందర్భంగా ఇద్దరూ కలిసి డ్యాన్స్ చేస్తూ పెళ్లి వేడుకలో తెగ సందడి చేశారు. ఈ సిందర్భంగా అంకిత లోఖండే తన ప్రియుడు విక్కీ జైన్ ని దగ్గరకు లాగి పబ్లిక్ గానే లిప్ లాక్ పెట్టింది. తాజాగా దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి.