రాహుల్ రవీంద్రన్ దర్శకత్వంలో నాగార్జున ప్రస్తుతం ‘మన్మథుడు 2’ సినిమా చేస్తున్నారు. సోగ్గాడే చిన్నినాయన వంటి సినిమా తర్వాత ఇప్పటిదాకా బాక్సాఫీస్ దగ్గర హిట్టు పడకపోవడంతో ఈ సినిమాతో ఎలాగైనా సెన్సేషనల్ సృష్టించాలని మంచి కసి మీద ఉన్నారు నాగార్జున. ఈ నేపథ్యంలో ఈ సినిమా కోసం వర్కౌట్లు కూడా చేస్తున్నారు. ఈ సినిమాలో నాగార్జునతో పాటు రకుల్ ప్రీత్ సింగ్ హీరోయిన్ గా నటిస్తోంది.
అంతేకాకుండా సమంత కీర్తి సురేష్ అతిధి పాత్రలో నటిస్తున్నారు. ఇటీవల ఈ సినిమాకి సంబంధించిన షూటింగ్ పోర్చుగల్ ప్రాంతంలో పూర్తి చేసుకోవడం జరిగింది. అయితే తదుపరి షూటింగ్ మే 21 వ తారీఖున హైదరాబాదులో జరుపుకోనున్నట్లు సమాచారం. ఇదిలా ఉంటే… ఈ సినిమాని జూలై నెలలో ప్రేక్షకుల ముందుకు తీసుకురానున్నారని గ‌త రెండు రోజులుగా వార్తలు వినిపిస్తున్నాయి.
ఈ నేపథ్యంలో… ఈ సినిమా విడుద‌ల‌కు సంబంధించి మరో ఆస‌క్తిక‌ర‌మైన తేదీ వెలుగులోకి వ‌చ్చింది. అదేమిటంటే… నాగార్జున 60వ పుట్టిన రోజు సంద‌ర్భంగా ఆగస్టు 29న ఈ చిత్రాన్ని విడుదల చేయాలని చిత్ర బృందం ప్లాన్ చేస్తోంద‌ట. మరి ఈ వార్తల్లో నిజమెంతుందో తెలియాలంటే మరి కొంతకాలం ఆగాల్సిందే. నాగార్జున కెరీర్లో అత్యంత భారీ బ్లాక్ బస్టర్ సినిమా మన్మధుడు సినిమాకి సీక్వెల్ గా వస్తున్న ఈ సినిమాపై అక్కినేని అభిమానులకు బీభత్సమైన నెలకొన్నాయి.
