ప్రముఖ కొరియోగ్రాఫర్, దర్శకుడు, నటుడు ప్రభుదేవా హీరోగా, మిల్కీ బ్యూటీ తమన్నా హీరోయిన్‌గా 2016లో వచ్చిన చిత్రం ‘అభినేత్రి’. సోనూసూద్ ప్రధాన పాత్రలో నటించిన ఈ చిత్రానికి విజయ్ దర్శకత్వం వహించారు. ఈ చిత్రం మంచి విజయాన్ని అందుకుంది. ఈ సక్సెస్‌ఫుల్‌ మూవీకి సీక్వెల్‌గా ‘అభినేత్రి 2’ చిత్రం రూపొందుతోంది. ట్రైడెంట్‌ ఆర్ట్స్‌, అభిషేక్‌ పిక్చర్స్‌ పతాకాలపై అభిషేక్‌ నామా, ఆర్‌.రవీంద్రన్‌ నిర్మిస్తున్నారు. తొలిభాగాన్ని తెరకెక్కించిన విజయ్ ఈ చిత్రానికీ దర్శకత్వం వహించారు.
సామ్ సిఎస్ సంగీతం సమకూర్చారు. ‘అభినేత్రి 2’లో ప్రభుదేవా, తమన్నాలతో పాటు నందితాశ్వేత, డింపుల్‌ హయాతి, కోవై సరళ కీలక పాత్రల్లో నటించారు. చిత్రీకరణ పూర్తి చేసుకున్న ఈ చిత్రం ప్రస్తుతం పోస్ట్‌ ప్రొడక్షన్‌ కార్యక్రమాలను జరుపుకుంటోంది. అన్ని కార్యక్రమాలను పూర్తి చేసి సినిమాను మే 1న ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. విడుదల తేదీ దగ్గరపడుతుండటంతో ప్రచార కార్యక్రమాలను ప్రారంభించారు.
దీనిలో భాగంగా ఇప్పటికే చిత్ర ఫస్ట్‌లుక్ టీజర్‌ను విడుదల చేశారు. తాజాగా ‘రెడీ రెడీ’ అనే వీడియో సాంగ్‌ను ప్రేక్షకుల ముందుకు తీసుకొచ్చారు. భర్తను రొమాన్స్‌ కోసం భార్య రెచ్చగొట్టే పాట ఇది. ‘రెడీ రెడీ రెడీ ఐయామ్ రెడీ హాటు’ అంటూ సాగే ఈ పాటను తమిళంలో ప్రభుదేవా రాయగా.. తెలుగు సాహిత్యాన్ని వనమాలి అందించారు. నిన్సీ విన్సెంట్ ఆలపించారు. పాటలో సాహిత్యం మాదిరిగానే తమన్నా వీడియోలో పిచ్చ హాట్‌గా కనిపిస్తోంది. తన స్టెప్పులు, ఎక్స్‌ప్రెషన్స్‌తో కట్టిపడేస్తోంది. వీటికి తోడు అందాలు కనిపించే దుస్తుల్లో చాలా సెక్సీగా కుర్రకారు గుండె కొల్లగొట్టేలా ఉంది. తమన్నా అధినేత్రి 2 సినిమాలో అందాలను ఎడతెరిపి లేకుండా ఆరబోసిందని చెప్పాలి.
