బాలీవుడ్ స్టార్ హీరో సల్మాన్ ఖాన్ తన సెక్యూరిటీ గార్డ్ చెంప చెళ్లుమనిపించారు. అందరూ చూస్తుండగానే.. గార్డ్‌పై చేయి చేసుకున్నారు. ఈ వీడియో సోషల్ మీడియాలో వైరల్‌గా మారగా.. సల్మాన్‌పై కొందరు నెటిజన్లు ప్రశంసలు కురిపిస్తుంటే.. మరికొందరు మాత్రం దుమ్మెత్తి పోస్తున్నారు. అదేంటి గార్డ్‌ను కొడితే నెటిజన్లు పొగడటం ఏంటని షాకవుతున్నారా.. అక్కడే ఉంది ట్విస్ట్.
అసలు విషయానికొస్తే.. భారత్ మూవీ ప్రమోషన్ కోసం సల్మాన్ ముంబైలోని ఓ మాల్‌లో జరిగిన కార్యక్రమానికి హాజరయ్యేందుకు వెళ్లారు. కారు దిగి లోపలికి వెళుతుండగా అభిమానులు చుట్టుముట్టారు. వారిలో ఓ బాలుడు కూడా సల్మాన్‌ను చూసేందుకు పోటీపడ్డాడు. ఈ క్రమంలో సల్లూ భాయ్ సెక్యూరిటీ గార్డుల్లో ఒకరు బాలుడ్ని పక్కకు తోసేశారు.
సెక్యూరిటీ గార్డ్ బాలుడ్ని పక్కకు తోసేయడాన్ని గమనించిన సల్మాన్‌కు కోపం వచ్చింది. వెంటనే గార్డ్ చెంప చెళ్లుమనిపించాడు. తన బాస్ చేయి చేసుకోవడంతో షాక్ తిన్న అతడు.. ఏమీ మాట్లాడకుండా పక్కు జరిగాడు. ఈ వీడియో సోషల్ మీడియాలో బాగా వైరల్ అవుతోంది. పైకి సౌమ్యంగా కనిపించే సల్మాన్‌కు కోపం వస్తే ఇలా ఉంటుందా అంటూ నెటిజన్లు సైతం షాక్ తిన్నారు. సల్మాన్ కొత్త సినిమా భారత్ రంజాన్ సందర్భంగా విడుదలయ్యింది.
