సూపర్ స్టార్ రజనీకాంత్ తాజాగా దర్బార్ చిత్రంలో నటిస్తున్న విషయం తెలిసిందే .రజనీకాంత్ పవర్ ఫుల్ పోలీస్ ఆఫీసర్ గా నటిస్తున్న ఈ చిత్రంలో నయనతార హీరోయిన్ గా నటిస్తుండగా నివేదా థామస్ కీలక పాత్రలో నటిస్తోంది . లైకా ప్రొడక్షన్స్ సంస్థ నిర్మిస్తున్న ఈ చిత్రానికి మురుగదాస్ దర్శకత్వం వహిస్తున్నాడు . కాగా ఈ చిత్రాన్ని 2020 జనవరి లో సంక్రాంతి కానుకగా విడుదల చేయడానికి సన్నాహాలు చేస్తున్నారు .
అసలు ఈ సినిమాని దసరా కానుకగా విడుదల చేయాలనీ అనుకున్నారు అయితే అనుకున్న స్థాయిలో షెడ్యూల్స్ పూర్తికాకపోవడంతో విడుదల వాయిదాపడింది . దసరా కు అనుకున్న సినిమాని సంక్రాంతి కి విడుదల చేయాలనీ ఫిక్స్ అయ్యారట . గతకొంత కాలంగా రజనీకాంత్ కు సరైన సక్సెస్ ఏది అందడం లేదు . చేస్తున్న సినిమాలన్నీ ఘోర పరాజయం పొందుతూనే ఉన్నాయి దాంతో ఈ సినిమా దర్బార్ అయినా హిట్ అవుతుందా అన్న టెన్షన్ రజనీ ఫ్యాన్స్ లో నెలకొంది.
ఇదిలా ఉండగా, జూన్ 12 న రోబో 2 .0 చైనా లో విడుదల అయ్యి మంచి వసూళ్లు రాబడుతోంది అని ట్రేడ్ వర్గాలు వెల్లడించాయి. ఈ మేరకు లైకా ప్రొడక్షన్స్ యాజమాన్యం ప్రెస్ మీట్ కూడా ప్లాన్ చేస్తోందట. దీని కోసం చాలానే డబ్బు ఖర్చు పెడుతున్నారు అని తెలుస్తోంది. అంతే కాకుండా షాంఘై ఇంటర్నేషనల్ ఫిలిం ఫెస్టివల్ లో రోబో 2 .౦ స్పెషల్ అట్రాక్షన్ గా నిలవడానికి కూడా అన్ని ఏర్పాట్లు చేస్తున్నారంట. ఇదంతా రజనీకాంత్ కి చైనా లో ఉన్న క్రేజ్ ని కాష్ చేస్కోడానికే అనిపిస్తోంది. ఏదైతే ఏంటి, రజని ఇంకొన్నాళ్ళు థియేటర్లలో సందడి చెయ్యడం ఖాయం అనే అనిపిస్తోంది.
