ఒక‌ప్పుడు జనం సినిమాలంటే ముందు ఆ సినిమాలో హీరో ఎవరు హీరోయిన్ ఎవరు అని చూసుకుని వెళ్ళేవారు. కానీ ప్ర‌స్తుతం ట్రెండ్ మారింది. న‌టీన‌టుల గురించి ఆలోచించ‌డం త‌గ్గింది. స్టోరీ బావుందా లేదా స్టోరీ లైన్ ఏంటి అని తెలుసుకుని మరీ సినిమాలు చూస్తున్నారు. ఆ విధంగా... స్టార్ హీరోల సినిమాలే కాదు.. మంచి క‌థా బ‌ల‌మున్న సినిమాల‌కు ప్రాధాన్య‌మిచ్చే నిర్మాత‌ల్లో దిల్‌రాజు ఒక‌రు. చిన్న సినిమాల‌కు, కొత్త ద‌ర్శ‌కుల‌కు, యంగ్ టాలెంట్‌కు ఆయ‌న అందించే స‌పోర్టే ఆయ‌న్ను టేస్ట్‌ఫుల్ ప్రొడ్యూస‌ర్‌గా ఇండ‌స్ట్రీలో నిల‌బెట్టింది. హిట్ చిత్రాల నిర్మాత‌గా ఎన్నో విజ‌య‌వంత‌మైన చిత్రాల‌ను తెలుగు ప్రేక్ష‌కుల‌కు అందించిన దిల్‌రాజు మరో ల‌వ్‌స్టోరీని తెలుగు ప్రేక్ష‌కుల‌కు అందించ‌నున్నారు.
క్రేజీ యాంట్స్ ప్రొడ‌క్ష‌న్స్ బ్యాన‌ర్‌పై రాకేశ్ వ‌ర్రె, గార్గేయి ఎల్లాప్రగ‌డ హీరో హీరోయిన్లుగా బ‌స‌వ శంక‌ర్ ద‌ర్శ‌క‌త్వంలో రాకేశ్ వ‌ర్రె నిర్మాణంలో ఈ సినిమా రూపొందింది. ఈ చిత్రాన్ని శ్రీ వెంక‌టేశ్వ‌ర ఫిలింస్ ప‌తాకంపై దిల్‌రాజు ఓ అంద‌మైన ప్రేమ‌క‌థ‌ను తెలుగులో విడుదల చేస్తున్నారు. ఆగ‌స్ట్‌లో ఈ సినిమా విడుదల చేయడానికి స‌న్నాహాలు చేస్తున్నారు. ఈ సంద‌ర్భంగా ..
హీరో, నిర్మాత రాకేశ్ వ‌ర్రె మాట్లాడుతూ - ``హార్ట్ ట‌చింగ్ ల‌వ్ స్టోరీస్‌ను తెలుగు ప్రేక్ష‌కులు అద్భుతంగా ఆద‌రిస్తుంటారు. అలాంటి రొమాంటిక్ కామెడీ స్టోరీతో ఆగస్ట్ లో ప్రేక్ష‌కుల ముందుకి వ‌స్తున్నాం. సినిమాకు సంబంధించిన అన్ని కార్య‌క్ర‌మాలు పూర్త‌య్యాయి. దిల్‌రాజుగారు మా సినిమాను రిలీజ్ చేయడానికి ముందుకు వ‌చ్చారు. ఆయ‌న‌కు స్పెష‌ల్ థాంక్స్‌. సినిమాకు స‌బంధించిన మ‌ర్నిన్ని వివ‌రాల‌ను త్వ‌ర‌లోనే తెలియ‌జేస్తాం`` అన్నారు.
