ఈరోజు నందమూరి కళ్యాణ్ రామ్ పుట్టినరోజు.  ఈ సందర్భంగా కళ్యాణ్ రామ్-సతీష్ వేగేశ్న కాంబినేషన్ లో తెరకెక్కుతున్న చిత్రం టైటిల్ ను ప్రకటించారు.  'ఎంత మంచివాడవురా' అనేది టైటిల్.  అయితే జస్ట్ టైటిల్ లోగో పోస్టర్ మాత్రమే విడుదల చేసి ఊరుకోకుండా టైటిల్ లోగోతో పాటు  టీజర్ ను విడుదల చేశారు. ఈ టీజర్ ప్రేక్షకులను బాగా ఆకట్టుకుంటుంది.

ఇక ఈ సినిమా టైటిల్ కి తగ్గట్టు కళ్యాణ్ రామ్ ఈ సినిమాలో మంచి మనసున్న మనిషి పాత్రలో నటిస్తున్నాడని అర్థం అవుతుంది.  ఈ సినిమా ఒక ఎమోషనల్ ఎంటర్టైనర్ గా తెరకెక్కుతోందట. ఈ సినిమాలో కళ్యాణ్ రామ్ సరసన మెహ్రీన్ హీరోయిన్ గా నటిస్తోంది.  గోపిసుందర్ ఈ సినిమాకు సంగీతమందిస్తుండగా దాదాపు ఈ సినిమా ఎక్కువ భాగం షూటింగ్ రాజమండ్రిలోనూ.. హైదరాబాద్ లోనూ జరిపేందుకు ప్లాన్ చేస్తున్నారట చిత్ర బృందం. ఇక రెగ్యులర్ షూటింగ్ జులై 24 నుండి ప్రారంభిస్తారని లేటెస్ట్ అప్‌డేట్. 

సతీష్ వేగేశ్న నితిన్ తో శ్రీనివాస కళ్యాణం సినిమాను తెరకెక్కించగా ఆ సినిమా బాక్సాఫీస్ వద్ద బోల్తా పడిన సంగతి తెలిసిందే. ఇక కళ్యాణ్ రామ్ 118 తో డీసెంట్ హిట్ ని సొంతం  చేసుకున్నాడు. ఈ సినిమాలో నివేదా థామస్, శాలినీ పాండే హీరోయిన్‌గా నటించిన సంగతి తెలిసిందే. ఇక ఫ్యామిలీ ఎంటర్‌టైనర్‌గా రూపొందుతున్న ఈ సినిమా ఖచ్చితంగా హిట్టవుతుందనే నమ్మకంతో ఉన్నారు చిత్ర బృందం.  


మరింత సమాచారం తెలుసుకోండి:

nandamurikalyanram rambha geetha k krishna kumar sangeetha supporting sangeetha krish sathish shri sree sundar yami nuvvilaa shirdi temple tirumala venkateswara temple ramanathaswamy temple somnath and dwarka temple vaishno devi jagannath temple golden temple kashi vishwanath temple meenakshi amman temple dargah sharif

Kunchala Govind

05/07/2019 04:30 PM