'బాహుబలి' వంటి భారీ బ్లాక్ బస్టర్ తర్వాత స్నేహితుడు డైరెక్టర్ సుజిత్ దర్శకత్వంలో రెబల్ స్టార్ ప్రభాస్ హీరోగా ‘సాహో’ సినిమా చేస్తున్న విషయం మనకందరికీ తెలిసినదే. దాదాపు ఏడాదిన్నర కు పైగా షూటింగ్ జరుపుకుంటున్న ఈ సినిమా 150 కోట్ల భారీ బడ్జెట్ తో తెరకెక్కుతోంది. ఈ సినిమాకి ముందు అనగా బాహుబలి సినిమా సమయంలో కత్తులు బల్లేలు మధ్య ఉన్న ప్రభాస్...'సాహో' సినిమా షూటింగ్ మొదలైన నాటి నుండి గన్స్ మరియు కార్ల మధ్య ఎక్కువ ఉన్నాడట. అంతేకాకుండా ఈ సినిమా కోసం కొన్నివేల కార్లను వాడినట్లు ఇండస్ట్రీ టాక్.
దాదాపు సినిమా మొత్తం ఛేజింగ్ లు, యాక్షన్ సీన్లు ఇలా అల్ట్రా మోడరన్ జేమ్స్ బాండ్ తరహాలో హాలీవుడ్ సినిమా స్థాయిలో ఉంటుందని ఫిలిం నగర్ టాక్. యాక్షన్ నేపథ్యంలో ఈ సినిమా లో వచ్చేలా సీన్లు డైరెక్టర్ సుజిత్ అద్భుతంగా రాణించారని సినిమా యూనిట్కు చెందిన వారు కామెంట్ చేస్తున్నారు. ముఖ్యంగా బాహుబలి తర్వాత అదే స్థాయిలో బ్లాక్ బస్టర్ కొట్టాలని ప్రభాస్ యాక్షన్ నేపథ్యంలో ఉన్న ‘సాహో’ సినిమా ను ఎంచుకున్నారట. అయితే సినిమాల్లో ఎక్కువగా యాక్షన్ సన్నివేశాలు కోసం దాదాపు చాలా కార్లు వాడటంతో యాక్షన్ సీన్లు గురించి కొన్ని వార్తలు సోషల్ మీడియాలో రావడంతో...ప్రభాస్ నటించిన సాహో సినిమా ఇండియన్ సినిమా కాదని హాలీవుడ్ రేంజ్ లో ఉందని వచ్చిన వార్తలు విని సోషల్ మీడియాలో నెటిజన్లు కామెంట్ చేస్తున్నారు.
అంతేకాకుండా ఈ సినిమాలో యాక్షన్ సన్నివేశాలు కోసం హాలీవుడ్ ఇండస్ట్రీ నుండి చాలా రెమ్యునరేషన్స్ ఇచ్చి ప్రొఫెషనల్ ఫైటర్స్ ని సినిమా యూనిట్ తీసుకు రావడంతో ఈ సినిమాపై...దేశవ్యాప్తంగా భారీ అంచనాలు నెలకొన్నాయి. ఇండిపెండెన్స్ డే సందర్భంగా ఆగస్టు 15న సినిమాని విడుదల కాబోతుండడం తో బాహుబలి తర్వాత ప్రభాస్ నటిస్తున్న ఈ సినిమాపై ప్రభాస్ అభిమానులు ఓ రేంజ్ లో అంచనాలు పెట్టుకున్నారు. మరి సాహో సినిమా తో ప్రభాస్ ఏ స్థాయిలో హిట్ కొడతాడో చూడాలి.
