అల్లూరి సీతారామరాజు ఆయనకి ఇష్టమైన పాత్ర. దాన్ని సినిమాగా తీద్దామనుకున్నారు. సూపర్ స్టార్ క్రిష్ణ తీయడంతో ఆయన మీద అలిగి చాన్నాళ్ళు మాట్లాడం మానేసారంటారు. అలాంటి ఎన్టీయార్ ద్రుష్టికి ఉయ్యాలవాడ ఎందుకు కనిపించలేదన్నదే మళ్ళీ ప్రశ్న. రామారావు ఈ విషయంలో పరిశోధన చేయకుండా ఉండి ఉండరని కూడా అంటున్నారు. ఉయ్యాలవాడది అసలైన పోరాటం కాదని చరిత్రకారులు చెబుతున్నారు. ఆయన పెన్షన్ కోసం చేసిన పోరాటం అని కూడా పేర్కొంటున్నారు.
ఆయనకు ముగ్గురు భార్యలు. పాలేగాడిగా ఉంటూ అనుచరులతో 46 ఏళ్ల పాటు విలాసంగా బతికిన వారిగా చెబుతారు. అటువంటి ఉయ్యాలవాడను స్వాతంత్ర సమరయోధునిగా మార్చి తీసే సాహసం చేయలేకే రామారావు లాంటి పెద్దలు వూరుకుండిపోయారని కూడా అంటున్నారు. ఇపుడు సైరా మూవీ సైతం ఓ కాల్పనిక కధగానే చూడాలి అంటున్నారు. ప్రజలను ముక్కుపిండి పన్నులు వసూల్ చేస్తూ అనేక అరాచకాలు, దురాగతాలకు పాల్పడిన పాలెగాళ్ళ వ్యవస్థను గ్రామాల్లో రద్దు చేసి ప్రజలకు మేలు చేసిన నాటి ఈస్టిండియా కంపెనీ మీద పాలెగాళ్ళు పగపడితే వారిని హీరోలుగా చేసి స్వాతంత్ర సమరయోధులుగా చేయడం పట్ల చరిత్ర కారులు అభ్యంతర పెడుతున్నారు. ఏమైనా సైరా మూవీ మెగాస్టార్ హీరోచిత కధగానే చూడాలని అంటున్న వారు ఉన్నారు.
