హర్యానాలోని గురుగ్రామ్‌లో తొమ్మిదేళ్ల బాలుడిని తెలియని వ్యక్తి అపహరించి రాళ్ళతో కొట్టాడు. సోహైల్ గా గుర్తించబడిన బాలుడు శుక్రవారం రాత్రి 9 గంటల సమయంలో తన ఇంటి బయట ఆడుతున్నప్పుడు తప్పిపోయాడు. హర్యానాలోని మనేసర్‌లోని మద్యం దుకాణానికి సమీపంలో ఉన్న ఖాళీ స్థలంలో బాలుడి మృతదేహం శనివారం పోలీసులు కనిపెట్టారు.
మైనర్ బాలుడి పోస్టుమార్టం నివేదికలో బాలుడిని దారుణంగా కొట్టారని తేలింది. బాలుడికి అతని గుండెతో సహా శరీరమంతా గాయాలు అయ్యాయి. పోలీస్ ఆఫీసర్ మాట్లాడుతూ.. 'బాలుడు రాళ్ళతో చంపబడ్డాడు. తల, ఛాతీ, కాళ్ళపై పలు గాయాల కారణంగా మరణించాడు', అని చెప్పారు.
గురుగ్రామ్ పోలీసులు సిసిటివి ఫుటేజీని పరిశీలించగా అందులో బాలుడు సోహైల్ తన ఇంటి బయట ఆడుకుంటూ గుర్తు తెలియని వ్యక్తితో పాటు నడుస్తున్నాడు. ప్రస్తుతం ఈ కేసుని పోలీసులు దర్యాప్తు చేస్తున్నారు. కేసును నిర్వహించిన తీరుపై బాలుడి కుటుంబం పోలీసులను నిందించింది.
సోహైల్ తప్పిపోయాడని ఫిర్యాదు చేయడానికి పోలీసులను సంప్రదించినప్పుడు, "పిల్లలకు జన్మనివ్వడం, రోడ్లపై చనిపోయేటట్లు వదిలివేయడం. ఏదైనా జరిగినప్పుడు పోలీసులను పిలవడం" అని ఎఎస్ఐ కాశ్మీర్ సింగ్ కుటుంబాన్ని తిట్టారని పిల్లల కుటుంబ సభ్యులు ఆరోపించారు.
జనవరి 2న రాత్రి 9 గంటల సమయంలో మనేసర్ లోని నహర్పూర్ ప్రాంతంలోని బాలుడు తన ఇంటి నుండి తప్పిపోయాడని కుటుంబ సభ్యులు తెలిపారు. శుక్రవారం సాయంత్రం బాలుడి మృతదేహం లభ్యమైంది.
మద్యం అమ్మకం ప్రక్కనే ఉన్న ఖాళీ స్థలంలో బట్టలు లేకుండా బాలుడు దొరికినందున బాలుడిపై నిందితుడు లైంగిక వేధింపులకు పాల్పడినట్లు అనుమానిస్తున్నట్లు పోలీసు అధికారి తెలిపారు. లైంగిక వేధింపులను నిర్ధారించడానికి ఫోరెన్సిక్ నమూనాలను ప్రయోగశాలకు పంపినట్లు ఒక వైద్యుడు తెలిపారు. నిందితుడిని త్వరలోనే పట్టుకోమని, ఈ హేయనీయమైన చర్యకు పాల్పడ నీచుడికి కఠిన శిక్షను విధించమని బాలుడి తల్లిదండ్రులు కోరుతున్నాను.
