ప్రస్తుతం దేశవ్యాప్తంగా లాక్ డౌన్ అమలు అవుతున్న విషయం తెలిసిందే. ఈ క్రమంలో ప్రజలెవరూ బయటకు రాకూడదు అంటూ కేంద్ర రాష్ట్ర ప్రభుత్వాలు సూచిస్తున్నాయి. ఇక అటు రాష్ట్ర ప్రభుత్వాలు కూడా కేంద్ర ప్రభుత్వం అమలు చేస్తున్న లాక్ డౌన్ విజయవంతంగా ప్రజలందరూ పాటించే విధంగా ప్రజలందరినీ ఎప్పటికప్పుడు అప్రమత్తం చేస్తూ ఉన్నారు. పోలీసులు కూడా దేశవ్యాప్తంగా లాక్ డౌన్ అమలయ్యేలా చూస్తున్నారు. అయితే లాక్ డౌన్ ఉన్న సమయంలో ప్రజలు ఇంటి నుంచి కాలు బయట పెట్టకూడదు అంటూ సూచిస్తున్న ప్రభుత్వాలు వైరస్ ప్రభావం ఎక్కువగా ఉన్న ప్రాంతాలలో ప్రజలకు కావలసిన నిత్యావసర సరుకులు ఆహారాన్ని కూడా అందిస్తోంది. ప్రజలెవరూ బయటకు రాకూడదు అని ఏదైనా అవసరం ఉంటే ప్రభుత్వం సూచించిన టోల్ ఫ్రీ నెంబర్ కు కాల్ చేసి నిత్యావసర సరుకులు సహా ఆహారాన్ని పొందాలి అంటూ ప్రభుత్వాలు ప్రజలకు సూచనలు చేస్తున్నాయి.
అయితే ఈ నేపథ్యంలోనే చాలా మంది నిరుపేదలు ప్రభుత్వం సూచించిన విధంగా నిత్యవసర సరుకులు సహా ఆహారాన్ని కూడా అందుకుంటున్నారు. లాక్ డౌన్ నేపథ్యంలో అందరు ఉపాధి కోల్పోయిన నేపథ్యంలో ప్రభుత్వం అందించిన ఈ వసతి ప్రజలకు ఎంతగానో ఉపయోగపడుతోంది. అయితే కేవలం అర్హులైన వారికి మాత్రమే ఆహార పదార్థాలను పంపిణీ చేస్తోంది ప్రభుత్వం. కానీ అక్కడ ఇక్కడ అనర్హులైన వారు కూడా ఈ సహాయాన్ని అందుకుంటున్నారు. ఇలాంటి ఘటనే తాజాగా రాజస్థాన్లోని అజ్మీర్ లో చోటుచేసుకుంది. ఓ వ్యక్తి ఆకలితో అలమటిస్తున్నారు అంటూ... ప్రభుత్వ సహాయాన్ని కోరాడు. ఈ క్రమంలోనే ప్రభుత్వ పాలనా విభాగం అతనికి అవసరమైన సహాయ సామాగ్రి పంపిణీ చేసింది .
ఈ క్రమంలోనే సదరు వ్యక్తికి సామాగ్రిని పంపిణీ చేసేందుకు వెళ్లిన అధికారులు అతని ఇంటిని చూసి విస్తుపోవాల్సిన పరిస్థితి ఏర్పడుతుంది. ఈ విషయాన్ని జిల్లా అదనపు కలెక్టర్ హీరా లాల్ మీనా తెలిపారు. కాన్పూర్ కు చెందిన చంద్ అహ్మద్... ప్రభుత్వం సూచించిన జిల్లా కంట్రోల్ రూమ్ కి ఫోన్ చేసే... ఆహారం సహా ఇతర సామాగ్రి కావాలి అంటూ కోరాడు. ఈ క్రమంలోనే ఆ వ్యక్తి కోరిన సామాగ్రిని తీసుకొని అధికారులు అతని ఇంటికి చేరుకోగా అతని ఇల్లు చూసి అధికారులు షాక్ అయ్యారు. అతని ఇంటిలో మోటార్ సైకిల్ గ్యాస్ సిలిండర్లు ఫ్రిడ్జ్ కూలర్ లు మొదలైన అన్ని నిత్యావసర వస్తువులు కనిపించాయి. దీంతో అర్హులకు చెందాల్సిన సహాయాన్ని అనర్హుడు అయిన వ్యక్తి అందుకునేందుకు ప్రయత్నించిన వ్యక్తి పై అధికారులు చర్యలు తీసుకునేందుకు సిద్ధమయ్యారు.
