కోర్టు తమ చర్యలను రివ్యూ చేసి, అవి సరైనవేనని నిర్ధారించిందని ఆయన తెలిపారు. తాను 2006లోనే హైదరాబాద్ సీబీఐ ఆఫీసుకి బదిలీపై వచ్చానని, ఆపై 5 సంవత్సరాల తరువాత 2011లో కేసు తన ముందుకు వచ్చిందని తెలిపారు. ప్రత్యేకంగా జగన్ను అరెస్టు చేయించడానికి నన్ను ఈ కేసు కోసం నియమించలేదని తనపై ఎటువంటి రాజకీయం ఒత్తిడి లేవని పేర్కొన్నారు.
అంతేకాకుండా ఉన్న సమాచారాన్ని బట్టే విచారణ చేశామని నిబంధనలకు విరుద్ధంగా ఎక్కడా కూడా ప్రవర్తించలేదని...మరియు సీబీఐ సీనియర్ అధికారుల ఆదేశాల బట్టే కేసును టేకప్ చేశామని అన్నారు జె.డి.లక్ష్మీనారాయణ. ఈ క్రమంలో మీడియా ప్రతినిధి రాజకీయ లోకి వస్తున్నట్లు వస్తున్న వార్తలపై ప్రశ్నలు వేయగా.. నేను ఎటువంటి రాజకీయ పార్టీలోకి వెళ్లేది లేదని అన్నారు. అంతేకాకుండా కేవలం గ్రామాల్లో సామాజిక సేవపై దృష్టిపెట్టానని పేర్కొన్నారు జేడీ లక్ష్మీనారాయణ.