జనసేన అధినేత పవన్ కళ్యాణ్ లోకేష్ మీద ప్రతి సభలో రెచ్చి పోవడానికి కారణం ఉందని తెలుస్తుంది. సభ ఏదైనా కావొచ్చు, ప్రాంతం ఏదైనా కావొచ్చు పవన్ మాత్రం లోకేష్ ను విడిచి పెట్టడం లేదు. లోకేష్ వెన్ను లో వణుకు పుట్టిస్తున్నాడు. అయితే కొన్ని రోజుల క్రితం పవన్ తల్లిని మీడియా ద్వారా పదే పదే తిట్టించారు అయితే దీని వెనుకల లోకేష్ హస్తం ఉందని పవన్ అభిప్రాయ పడుతున్నాడు.
స‌హ‌జంగా ప‌వ‌న్‌కు త‌ల్లి అంటే ప్రాణం. చిన్న కొడుకైన ప‌వ‌న్‌ను అల్లారుముద్దుగా ఆమె పెంచుకున్నారంటారు. అలాంటి తల్లిని గ‌తంలో శ్రీ‌రెడ్డితో దూషింప‌జేసి ప‌దేప‌దే టీవీల్లో ప్రసారం చేయ‌డ‌మే కాకుండా, చ‌ర్చలు కూడా పెట్టార‌ని ప‌వ‌న్‌క‌ల్యాణ్ అప్పట్లో ట్విట్టర్ వేదిక‌గా ఆవేద‌న వ్యక్తంచేశారు. అందువ‌ల్లే లోకేష్‌పై విరుచుకుప‌డుతున్నార‌ని తెలిసింది. అంతేకాదు ఒక కొడుకుగా క‌న్న త‌ల్లి ఆత్మగౌర‌వాన్ని కాపాడ‌లేన‌ప్పుడు బ‌తికి ఉండ‌టం కంటే చ‌నిపోవ‌డ‌మే బెట‌ర్ అని ఆ ట్వీట్‌లో తెలిపారు.
త‌నను తిట్టినా పెద్దగా ప‌ట్టించుకోని పవన్, క‌న్నతల్లిని దూషించేలా ప్రణాళిక‌లు ర‌చించి, టీవీల్లో చ‌ర్చలు నిర్వహింప‌జేసి కుటుంబాన్ని బ‌జారుకీడ్చిన లోకేష్‌ను వ‌దిలిపెట్టేది లేద‌ని స‌న్నిహితుల వ‌ద్ద ప్రతిన‌బూనిన‌ట్టు తెలిసింది. నిన్నటి త‌ణుకు సభలో త‌స్మాత్ జాగ్రత్త, ఖ‌బ‌డ్దార్ అని లోకేష్‌ను మ‌రోసారి హెచ్చరించడం వెనుక ప‌వ‌న్‌లో దాగిన ఆ క‌సే కార‌ణ‌మంటున్నారు. అందుకే ఏదైనా ప‌నిచేసే ముందు ఒక‌టికి రెండుసార్లు ఆలోచించాల‌ని పెద్దలు చెబుతారు. పిల్లిపాలు తాగుతూ త‌న‌నెవ‌రూ చూడ‌లేద‌నుకున్నట్టు, మన లోకేష్ త‌న ప్లాన్ ఎప్పటికీ బ‌య‌ట‌కు పొక్కద‌నుకుని ఏదో చేశాడు. అదే ఇప్పుడు త‌న మెడ‌కు పవన్ రూపంలో చుట్టుకొంది. పాపం లోకేష్.
