ఇప్పుడు ట్రెండ్ మారింది పెద్ద వయసున్న వారు కూడా తమ కన్నా చిన్న వయుస్సున్న మగవారితో డేటింగ్ పెళ్లిళ్లు కామన్ అయిపొయింది. ఈ ట్రెండ్ బాలీవుడ్ లో మరీ ఎక్కువైందని చెప్పాలి. అర్బాజ్ ఖాన్‌తో విడాకులకు ముందే మలైకా అరోర అర్జున్ కపూర్‌తో ప్రేమలో పడిందని బాలీవుడ్ మీడియా ప్రముఖంగా పేర్కొంది. ఈ గొడవే వారి విడాకులకు కారణం కూడా అనే ప్రచారం జరిగింది. అందుకు తగ్గట్టుగా పలు సార్లు మలైకా ఇంటి వద్ద కనిపించాడు అర్జున్ కపూర్. దీంతో ఆ ప్రచారానికి చాలా ఊతం లభించింది.
తన తమ్ముడి భార్యతో అర్జున్ కపూర్ వ్యవహరిస్తున్న తీరు సల్మాన్‌కు కూడా కోపాన్ని తెప్పించిందని.. అనిల్ కపూర్, బోనీ కపూర్ల ద్వారా సల్లూ అర్జున్‌కు వార్నింగ్ ఇచ్చాడని కూడా బాలీవుడ్‌లో ప్రచారం జరిగింది. ఆ సంగతులన్నీ ఏమో కానీ.. అర్బాజ్, మలైకాల విడాకుల తతంగం ఇప్పటికే జరిగిపోయింది. ఈ నేపథ్యంలో ఇప్పుడు మలైక ఫ్రీ బర్డ్ అయ్యింది. ఎంతలా అంటే.. తాజాగా మలైకా, అర్జున్ కపూర్‌లు షికారు చేస్తూ అందరికీ కనిపించారు.
లాక్మే ఫ్యాషన్ వీక్‌కు వీళ్లిద్దరూ జంటగా వచ్చారు. వీకెండ్లో అక్కడ వీళ్లు సరదా సరదాగా గడిపారు. పక్కపక్కనే కూర్చుని సరదాగా ఉన్న వీళ్ల ఫొటోలు మీడియాకు ఎక్కాయిప్పుడు. వీళ్లిద్దరూ డేటింగ్ చేస్తున్నారనే ప్రచారానికి ఇప్పుడు మరింత ఊపు వచ్చింది. మలైకా ఇప్పుడు వైవాహిక బంధం నుంచి కూడా బయటకు వచ్చేసి ఉండటంతో.. వీళ్లిద్దరికీ అడ్డు లేకుండా పోయింది. అయితే వీళ్ల ఏజ్ గ్యాప్ చాలా ఎక్కువగా ఉంది. మలైకా వయసు 45 కాగా, అర్జున్ కపూర్ వయసు 33 యేళ్లు. అయితే ఈ రోజుల్లో బాలీవుడ్‌లో ఇలాంటి గ్యాప్ కామన్ అయ్యింది కాబట్టి.. వీళ్లిద్దరూ పెళ్లి కూడా చేసుకుంటారేమో చూడాలి.
