టీడీపీ చేపట్టిన 'టీడీపీ హమారా.. నారా హమారా' అట్టర్ ఫ్లాప్ అయ్యింది. ముస్లిం ఓటు బ్యాంకు ను సాధించుకుందామని టీడీపీ ప్లాన్ సాగలేదు. బాబు గారి మోసం ఇప్పటికే అందరికీ అర్ధం అయి పోయింది. ఎవరికోసమీ నారా హమారా బహిరంగ సభ.?' అంటూ మైనార్టీలు ప్రశ్నించడమే కాదు, 'నారా హమారా కాదు, నీరో హమారా.. అని పెట్టుకోవాల్సింది..' అంటూ ముస్లిం యువకులు మండిపడ్తున్నారు. 'టీడీపీ హమారా నారా హమారా' సభ ద్వారా చంద్రబాబు, మైనార్టీలకు ఇచ్చిన 'సందేశం' ఏమీలేదన్నది నిర్వివాదాంశం.
ప్రధాని నరేంద్రమోడీపై దుమ్మెత్తి పోయడానికి, జగన్ మీదా పవన్ కళ్యాణ్ మీదా విసుర్లు విసరడానికి ఈ సభను చంద్రబాబు వేదికగా మార్చుకున్నారంతే. గత కొంతకాలంగా తెలుగుదేశం పార్టీ అధినేత నారా చంద్రబాబునాయుడు.. అటు అధికార వేదికల్నీ, ఇటు పార్టీ వేదికల్నీ ఎడాపెడా వాడేసుకుంటూ పబ్లిసిటీ స్టంట్లు చేస్తూనే వున్నారు. ధర్మపోరాట దీక్షలంటున్నారు.. ఇంకోటేవో సభలంటున్నారు.. ఈ సభల ఉద్దేశ్యం ఏదైనా, అన్నిట్లోనూ ఒకటే ఊక దంపుడు ప్రసంగం.
అంతకు మించి, కొత్తదనం కన్పించడంలేదు. ప్రజలకు భరోసా ఇచ్చేమాటల్ని చెప్పడంలేదు సరికదా, ఆ ప్రజలే తనకు అండగా వుండాలంటూ దేబిరించేస్తున్నారు. 'టీడీపీ హమారా.. నారా హమారా' అన్నారుగానీ.. అది కూడా డిజాస్టర్‌ అయ్యేసరికి, టీడీపీ నేతల్లో అంతర్మధనం ఎక్కువైపోయింది. అన్నట్టు.. టీడీపీ హమారా.. నారా హమారా.. అంటే ఇక్కడ టీడీపీ నుంచి 'నందమూరి'ని పూర్తిగా 'డిలీట్‌' చేసేసినట్లేనా.? ఇదిప్పుడు నందమూరి అభిమానుల్ని వేధిస్తున్న తాజా సమస్య.
