బాలకృష్ణ దర్శనం హిందూ పురం వాసులకు బాగా కష్టమయి పోతుంది. బాలకృష్ణ కు ఎప్పుడో తీరిక దొరికితే గానీ హిందూ పురం సమస్యలను పట్టించుకొనేటట్లు కనిపించడం లేదు. అయితే ఇప్పటికే బాలకృష్ణ మీద వ్యతిరేకత ఎక్కువయిపోయింది. . ఈ నియోజకవర్గం ఏ ఐదారు నెలలకో ఒకసారి బాలయ్యకు గుర్తుకు వస్తూ ఉంటుంది. ఆ సమయంలో హిందూపురంలో బైక్లో తిరిగి విన్యాసాలు చేయడం, తన సినిమా కార్యక్రమాలు.. ఏవో ఒక సంబరాలు.. అంటూ వేషాలు వేసి జనాలను ఎంటర్టైన్ చేయడం. ఇలా ఎంటర్ టైన్ చేసే ఎమ్మెల్యే ఏ నియోజకవర్గం జనాలకూ దొరికి ఉండరేమో.
ఇక్కడ వైకాపాకు నవీన్ నిశ్చల్ రూపంలో గట్టి ఇన్చార్జి ఉన్నాడు. ఇతడు మొన్నటి ఎన్నికల్లో బాలయ్యకు గట్టిపోటీని ఇచ్చాడు. బాలయ్య గ్లామర్, మనీ పవర్కు కూడా తట్టుకుని నిలబడుతున్నాడంటే గొప్ప సంగతే. ఇలాంటి నేపథ్యంలో వచ్చేసారి విజయం మీద ఆశలు పెట్టుకున్నాడు నవీన్ నిశ్చల్. ఈ పరిణామాల మధ్యన హిందూపురంలో వైకాపా సానుభూతి పరులును, ఆ పార్టీ వైపు నిలుస్తారనే వారిని గుర్తించే పని మొదలైందట.
దీనికోసం పక్కజిల్లాల నుంచి జనాలను దింపారని సమాచారం. సర్వేల పేరుతో.. ఇల్లిళ్లూ తిరుగుతూ.. ఎవరు వైకాపా? ఎవరు తెలుగుదేశం అనే విషయాన్ని గుర్తించడానికి ప్రయత్నాలు సాగున్నాయి. తద్వారా ఎవరు వైకాపా వైపు నిలుస్తారో గుర్తించి.. వారిని సామదానబేదదండోపాయాలను ఉపయోగించుకుని టీడీపీ వైపు తిప్పుకునే ప్రయత్నం జరుగుతోందని సమాచారం. మరి వచ్చే ఎన్నికల్లో గెలుపు కోసం ఈ తరహా వ్యూహాలను ఎవ్వరూ అనుసరించకపోతూ ఉండవచ్చు. బాలయ్య నియోజకవర్గంలో మాత్రం పెద్ద కసరత్తే జరుగుతున్నట్టుగా ఉంది టీడీపీ వైపు నుంచి. ఇలాంటి వ్యూహం విషయంలో నటసింహానికి గైడ్ ఎవరో!