Indiaherald Group of Publishers P LIMITED

X
close save
crop image
x
TM
Sat, May 25, 2019 | Last Updated 12:29 am IST

Menu &Sections

Search

2019 - 2020 శ్రీ వికారి నామ సంవత్సర కన్యారాశి రాశీ ఫలాలు

2019 - 2020 శ్రీ వికారి నామ సంవత్సర కన్యారాశి రాశీ ఫలాలు
2019 - 2020 శ్రీ వికారి నామ సంవత్సర కన్యారాశి రాశీ ఫలాలు
http://apherald-nkywabj.stackpathdns.com/images/appleiconAPH72x72.png apherald.com
ఉత్తర 2,3,4 పాదములు లేదా హస్త 1,2,3,4 పాదములు లేదా చిత్త 1,2 పాదములలో జన్మించిన వారు కన్యారాశికి చెందును.


శ్రీ వికారి నామ సంవత్సరంలో కన్యా రాశి వారి ఆదాయం - 11 వ్యయం - 05 రాజపూజ్యం - 04 అవమానం - 05. పూర్వ పద్దతిలో వచ్చిన శేష సంఖ్య "7". ఇది ఆర్ధిక విషయాలలో విజయాన్ని సూచించుచున్నది.


కన్యారాశి వారికి శ్రీ వికారి నామ సంవత్సరం ( ది.06-ఏప్రిల్-2019 నుండి ది.24-మార్చి-2020 వరకూ) చక్కటి ఆర్ధిక పురోగతిని కలుగచేయును. వ్యాపార వ్యవహరాదులలో గతంలో ఏర్పడిన అవరోధాలు అన్ని తొలగిపోవును. నూతన ఆలోచనలకు పెట్టుబడులు లభించును. ధన విషయాలలో సొంత నిర్ణయాలు కలసి వచ్చును. భాగస్వామ్యాలు కలసి వచ్చును. ఉద్యోగ ప్రయత్నాలు, వివాహ ప్రయత్నాలు లాభించును. ప్రమోషనులు ఆశిస్తున్నవారు ఆటంకములు, పైరవీల అనంతరం అనుకున్నది సాధిస్తారు. పుత్ర సంతాన ప్రయత్నాలకు దైవ ఆశీస్సులు అవసరం. సంవత్సర మధ్యకాలంలో ఉదర సంబంధమైన సమస్య వలన బాధపడు సూచన. ఈ సంవత్సరంలో పుణ్యక్షేత్ర సందర్శనలు ఏర్పడును. మాట గౌరవం పెరుగును. కుటుంబ సభ్యుల సహకారం వలన మనశ్శాంతి పొందుతారు. విదేశీ ఉద్యోగ లేదా నివాస ప్రయత్నాలు చేయువారికి 2019 నవంబర్ తదుపరి అనుకూలత ఏర్పడును. కోర్టు వ్యవహరాదులకు సంవత్సరాంతం వరకూ వేచివుండుట అవసరం. వైవాహిక జీవనములో మిశ్రమ ఫలితాలు పొందుతారు. సౌఖ్యం తగ్గును. విద్యార్ధులకు సామాన్య ఫలితాలు. కష్టించ వలసిన అవసరం ఉన్నది. వ్యవసాయదారులకు పెట్టుబడికి మించి ఆదాయం లభించును. కళాకారులకు నూతన అవార్డులు, చక్కటి గుర్తింపు లభించును.
కన్యారాశి వారికి శ్రీ వికారి నామ సంవత్సరంలో గురు గ్రహం వలన 03-నవంబర్-2019 వరకూ చెడు ఫలితాలు ఏర్పడును. ముఖ్యంగా ఈ రాశికి చెందిన 12 సంవత్సరములలోపు పిల్లలకు బాలారిష్టములు కలుగచేయు సూచన. వారి ఆరోగ్య విషయములందు తల్లితండ్రులు జాగ్రత్త వహించవలెను. 04-నవంబర్-2019 నుండి చక్కటి ఫలితాలు ఏర్పరచును. ముఖ్యంగా మాత్రు వర్గం వారి వలన సౌఖ్యం, వారి వలన లాభం, విద్యార్ధ్యులకు ఆశించిన విద్య, నూతన వాహన సౌఖ్యం, భూ సంబంధ లాభం ఏర్పరచును.
కన్యారాశి వారికి శ్రీ వికారి నామ సంవత్సరంలో శని గ్రహం వలన పిత్రార్జితం కొంత వ్యయం అగును. పుత్ర సంతాన వితవిభవములను ఏర్పరచును. స్త్రీ సంతానం వలన సౌఖ్యతను కలుగచేయును. 24-జనవరి-2020 నుండి ఆర్ధికంగా బాగా యోగించును.


కన్యారాశి వారికి శ్రీ వికారి నామ సంవత్సరంలో రాహు - కేతువుల వలన ప్రయాణాలు అధికంగా ఏర్పడుచుండును. తీర్ధయాత్రా ఫలితమును ఏర్పరచును. స్వల్ప భూ వ్యయం ఏర్పరచు సూచన.


ఏప్రిల్ 2019 కన్యారాశి రాశీ ఫలితాలు:


ఈ మాసం అవివాహితులకు చక్కటి వివాహ సంభంధాలను ఏర్పరచును. ధనాదాయం సామాన్యం. స్పెక్యులేషన్ వలన ఆశించిన ధనం లభించును. విద్యార్ధులకు తగిన ప్రోత్సాహం లభించును. ద్వితీయ వారములో దైనందిన ప్రయాణాలలో ముఖ్య వస్తువులను పోగాట్టుకోను సూచన. ప్రయనములందు జాగ్రత్త అవసరం. కుటుంబ సభ్యుల ప్రవర్తనలో అనూహ్య మార్పులు గమనించేదురు. ఆటంకములు ఎదురైననూ స్వశక్తితో కార్యసాధన ఏర్పరచుకొందురు. చివరి వారంలో ధార్మిక కార్యక్రమాలకు , విరాళ సంభంద శుభ వ్యయం ఏర్పడు సూచన.


మే 2019 కన్యారాశి రాశీ ఫలితాలు:


ఈ మాసంలో నూతన వ్యక్తుల రాక వలన కుటుంబమున సంతోష కార్యములు నిర్వహించుదురు. వారసత్వ సంబంధ సమస్యలు పరిష్కారం అగును. గృహోపకరణాలు కొనుగోలు చేయుదురు. ఆశించిన సహకారం లభించును. వ్యాపారాదులలో మంచి అభివృద్ధి కనిపించును. 20 వ తేదీ తదుపరి కుటుంబ సభ్యుల మూలంగా అనారోగ్య మూలక ధనవ్యయం ఏర్పడు సూచన. 27, 28, 29, 30, 31 తేదీలలో మంచి ఫలితాలు ఏర్పడును.


జూన్ 2019 కన్యారాశి రాశీ ఫలితాలు:


ఈ మాసంలో పనులు కొద్దిపాటి ఆటంకములతో పూర్తగును. మిత్ర వర్గంలో ఒకరి వలన నష్టం. ఉద్యోగ జీవనంలో ఆశ్చర్యకర సంఘటనలు. ఒత్తిడితో కూడిన వాతావరణం వలన నిద్రలేమి. వ్యాపారాదులు, ధనాదాయం సామాన్యం. ఈ మాసంలో 10 వ తేదీ నుండి 23వ తేదీ వరకూ పిల్లల ఆరోగ్య విషయంలో జాగ్రత్త వహించవలెను. పెద్దలకు శిరోవేదన అధికం అగు సూచన. ఈ మాసంలో 2, 3, 5, 10, 13, 19 తేదీలు అనుకూలమైనవి కావు.


జూలై 2019 కన్యారాశి రాశీ ఫలితాలు:


ఈ మాసంలో ఉద్యోగస్తులకు సమస్యలు తగ్గును. సంఘంలోనూ, కుటుంబములోను గౌరవం పెరుగును. ప్రయాణాలు లాభించును. వ్యాపార వ్యవహరాదులలో ధనలాభం, ధనాభివ్రుద్ధి ప్రాప్తించును. సంతాన విషయాలు మాత్రం అనుకూలంగా ఉండవు. బాకీలు వసూలవుతాయి. నూతన స్త్రీ పరిచయాలు ఏర్పడు సూచన. ఏకాగ్రత లోపించుటకు అవకాశములు అధికం. ఈ మాసంలో 14, 15, 16, 17 తేదీలలో తలపెట్టిన పనులన్నీ పూర్తీ అగును.


ఆగష్టు 2019 కన్యారాశి రాశీ ఫలితాలు:


ఈ మాసంలో సామాన్య ఫలితాలు ఏర్పడును. ఆరోగ్య పరంగా కొన్ని సమస్యలు ఉండును. లేదా ఒక చిన్న వాహన ప్రమాదమునకు అవకాశం ఉన్నది. జల సంబంధ ప్రయాణాలు చేయవలసి వచ్చిన జాగ్రత్త వహించవలెను. మత్స్యకారులకు ఈ మాసం అనుకూలమైనది కాదు. ద్వితీయ తృతీయ వారాలలో ఆర్ధిక లావాదేవీలు లాభాలను కలుగచేయును. సమస్యల నుండి జగన్మాత అనుగ్రహం వలన బయటపడుడురు. మాసాంతానికి మానసిక ప్రశాంతత , ఆనందం పొందుదురు. ఆశిస్తున్న వర్తమానాలు అందును.


సెప్టెంబర్ 2019 కన్యారాశి రాశీ ఫలితాలు:


ఈ మాసంలో చక్కటి గౌరవ ఆదర అభిమానాలు పొందుదురు. వ్యాపారస్థులకు అతి చక్కటి లాభాలు. ఆరోగ్య సమస్యలు తగ్గును. గృహంలో ఆతిధ్య సంబంధమైన వ్యయం అధికం అగు సూచన. పలుకుబడి పెంచుకొందురు. నూతన ఆలోచనలు చేయుదురు. ధనాదాయం సామాన్యం. వ్యవసాయదారులకు వాతావరణం వలన కొద్దిపాటి పంట నష్టము ఏర్పడును. నిరుద్యోగులకు ఈ మాసంలో 14 వ తేదీ నుండి 21 వ తేదీల మధ్యకాలం అనుకూలమైనది.


అక్టోబర్ 2019 కన్యారాశి రాశీ ఫలితాలు:


ఈ మాసంలో అంతగా ఆశించిన ఫలితాలు ఏర్పడవు. స్థిరాస్థి వ్యవహారాలు కొద్దిగా నష్టపెట్టును. వ్యాపార వ్యవహరాదులలో ఆకస్మిక నష్టం ఏర్పడుటకు అవకాశం కలదు. ప్రయత్నాలు కలసిరావు. అధికారుల ఒత్తిడి వలన శ్రమ అధికం అగును. లక్ష్యాలను సకాలంలో పూర్తీ చేయలేరు. తరచుగా దుస్వప్నాలు ఏర్పడు సూచన. భాత్రు వర్గం వారికి ఆరోగ్య సమస్యలు. చివరి వారంలో విందు వినోదాలలో చురుకుగా పాల్గోనేదురు. ధనాదాయం కొద్దిగా తగ్గును.


నవంబర్ 2019 కన్యారాశి రాశీ ఫలితాలు:


ఈ మాసం కూడా మిశ్రమ ఫలితాలు ఏర్పడును. జీవిత భాగస్వామి సంబంధిత ధనవ్యయం అధికమగును. తలచిన కార్యములు కొద్దిపాటి ఆటంకములతో పుర్తిఅగును. తొందరపాటు తనం వలన ఉద్యోగ జీవనంలోని వారు సమస్యలను ఎదుర్కొందురు. ఎదుటివారి విషయంలో క్ష్రీర-నీర న్యాయంతో ప్రవర్తించుట మంచిది. ఆశించిన విధంగా ఆర్ధిక ప్రయోజనాలు ఏర్పడవు. ప్రయాణాల వలన శ్రమ పడవలసి వచ్చును. ఈ మాసంలో ఇనుము - సిమెంట్ వంటి నిర్మాణ సంబంధ వ్యాపారములు చేయువారికి మంచి అభివృధ్హి ఏర్పడును. ఈ మాసంలో 17, 18, 24, 25 తేదీలందు అన్ని విషయాలందు జాగ్రత్తగా ఉండవలెను.


డిసెంబర్ 2019 కన్యారాశి రాశీ ఫలితాలు:


ఈ మాసంలో ధనాదాయం సామాన్యం. అనారోగ్య మూలక వ్యయం ఏర్పడును. ఉద్రేకముతో మంచి అవకాశములను దూరం చేసుకోను పరిస్థితులు కనిపిస్తున్నవి. ఆలోచనలతో సతమతమవుదురు. ముఖ్యమైన నిర్ణయాలు తీసుకోనుటలో మిత్రుల సలహాలు తీసుకోకపోవడం మంచిది. ద్వితీయ వారంలో ఉదర లేదా మోకాలి సంభంధ శస్త్ర చికిత్సకు అవకాశం కలదు. మాసంలో తృతీయ బుధవారం నుండి చికాకులు, సమస్యలు తగ్గును. ఆగిపోయిన వ్యాపార వ్యవహరాదులు తిరిగి ప్రారంభం అగును. ఉద్యోగ ప్రయత్నాలు చేయువారికి శుభవార్త. మాసాంతానికి ఆర్ధిక పరిస్థితి మెరుగవుతుంది. కానీ అవగాహన లేకపోవడంతో కుటుంబ విషయాలు రచ్చకేక్కును.


జనవరి 2020 కన్యారాశి రాశీ ఫలితాలు:


ఈ ఆంగ్ల సంవత్సర ఆరంభం లాభదాయకంగా ఉండును. ధనాదాయం ఆశించినంత ఉండును. వ్యాపార వ్యవహరాదులు బాగుండును. అవివాహితులకు చక్కటి సంబంధాలు దొరుకును. రూపొందించుకున్న ప్రణాళికలు విజయవంతం అగును. ఆహారపు అలవాట్లలో జాగ్రత్తగా ఉండాలి. కోర్టువ్యవహారాలలో ఇతరులు చెప్పే మాయమాటలకు మోసపోవు సూచన. వివాదములందు వెనుకడుగు వేయుట మంచిది. ద్వితీయ తృతీయ వారములలో విందు వినోదాలు. చివరి వరమలో లక్ష్యాలను పూర్తీ చేయుదురు. సంతాన ప్రయత్నాలు చేయువారికి శుభవార్త.


ఫిబ్రవరి 2020 కన్యారాశి రాశీ ఫలితాలు:


ఈ మాసంలో సోదర బంధు స్నేహిత వర్గం నుండి చక్కటి ఆదరణ , ఆశించిన ప్రోత్సాహం ప్రాప్తించును. సమాజంలో ఉన్నత స్థాయి వ్యక్తులతో పరిచయాలు ఏర్పడును. ధనాదాయం ఆశించినంత ఉండును. ఆధ్యాత్మిక ప్రశంగాలు ఆకర్షించును. సస్పెన్షన్ లో ఉన్న ఉద్యోగస్తులకు తిరిగి విధులు అప్పగించబడును. విద్యార్ధులు బాగా శ్రమించవలెను. సొంత గృహ నిర్మాణ ప్రయత్నాలకు ఈ మాసం అనుకూలమైనది. 25, 26, 27 తేదీలలో విహార యాత్రలకు సూచనలు ఉన్నవి.


మార్చి 2020 కన్యారాశి రాశీ ఫలితాలు:


ఈ మాసం గృహ సంబంధ నిర్మాణ పనులకు , వ్యాపార విస్తరణకు చక్కటి కాలం. రావలసిన ధనం చేతికి వచ్చును. ధనాదాయం వృద్ధి చెందును. ఉద్యోగంలో చక్కటి గౌరవ పురస్కారాలు లభించును. ఈ మాసంలో అన్ని విషయాలలో పూర్తీ అనుకూలత ఏర్పడును. కుటుంబ పరిస్థితులు సంతృప్తికరంగా ఉండును. ఈ మాసంలో 19 వ తేదీ నుండి 27 వ తేదీ మధ్య కాలం చక్కటి అనుకూలమైన కాలం.



Sree Vikari Samvatsara (2019 - 2020) Virgo Sign Horoscope / Rasi Phalalu
5/ 5 - (1 votes)
Add To Favourite
More from author
About the author

Bharath has been the knowledge focal point for the world, As Darvin evolution formula End is the Start ... Bharath again will be the Knowledge Focal Point to the whole world. Want to hold the lamp and shine light on the path of greatness for our country Bharath.