Indiaherald Group of Publishers P LIMITED

X
close save
crop image
x
TM
Sat, May 25, 2019 | Last Updated 12:20 am IST

Menu &Sections

Search

2019 - 2020 శ్రీ వికారి నామ సంవత్సర తులారాశి రాశీ ఫలాలు

2019 - 2020 శ్రీ వికారి నామ సంవత్సర తులారాశి రాశీ ఫలాలు
2019 - 2020 శ్రీ వికారి నామ సంవత్సర తులారాశి రాశీ ఫలాలు
http://apherald-nkywabj.stackpathdns.com/images/appleiconAPH72x72.png apherald.com
చిత్త 3,4 పాదములు లేదా స్వాతి 1,2,3,4 పాదములు లేదా విశాఖ 1,2,3 పాదములులో జన్మించినవారు తులారాశికి చెందును.


శ్రీ వికారి నామ సంవత్సరంలో తులారాశి వారికి ఆదాయం - 08 వ్యయం - 08 రాజపూజ్యం - 07 అవమానం - 01. పూర్వ పద్దతిలో వచ్చిన శేష సంఖ్య "7". ఇది ఆర్ధిక విషయాలలో విజయాన్ని సూచించుచున్నది.


తులారాశి వారికి శ్రీ వికారి నామ సంవత్సరం ( ది.06-ఏప్రిల్-2019 నుండి ది.24-మార్చి-2020 వరకూ) సామాన్య ఫలితములను ఏర్పరచును. జీవన మార్గమునకు పెద్దగా ఇబ్బందులు ఏర్పడవు. సంవత్సర ప్రారంభం నుండి సంవత్సర అంతానికి క్రమంగా పరిస్థితులు అనుకూలంగా మారును. నూతన వ్యాపార వ్యవహరాదులు ఆశించిన విధంగా కార్యరూపం దాల్చును. లాభించును. అవివాహితుల వివాహ ప్రయత్నాలు ఫలించును. సోదర వర్గం వార్కి అంత మంచి సంవత్సరం కాదు. స్నేహితుల నుండి ఆశించిన సహాయ సహకారాలు ఏర్పడును. దూర ప్రాంత స్థిర నివాసం కొరకు ప్రయత్నించు వారికి వ్యతిరేక ఫలితాలు ఏర్పడును. సంతాన ప్రయత్నాలు చేయువారికి స్త్రీ సంతానం ఏర్పడు సూచనలు అధికం. స్థిరాస్థి వ్యవహారాలలో సమస్యలు కొనసాగును. చేతివృత్తి పనివారికి లాభములు ఏర్పడును. వ్యవసాయదారులకు చక్కటి పంట అభివృద్ధి. విద్యార్ధులకు ఆశించిన ఉన్నతి లభించును. వడ్ది వ్యాపారం చేయువారికి ఈ వికారి నామ సంవత్సరం బాగా కలసి వచ్చును.


తులారాశి వారికి శ్రీ వికారి నామ సంవత్సరంలో గురు గ్రహం అనుకూలమైన ఫలితాలను ఇవ్వదు. ఫైనాన్సు వ్యాపారాలకు మాత్రం అతి చక్కటి ఫలితాలను కలుగచేసి వ్యాపార వృద్ధిని ఏర్పరచును. ఆరోగ్య పరంగా మధ్య మధ్య కాలంలో కీళ్ళ సంబంధమైన , రక్త సంభందమైన సమస్యలను ఏర్పరచును. భాత్రు వర్గం వారితో సంబంధాలు తెగిపోవును. మొత్తం మీద ఈ సంవత్సరం గురు గ్రహం తులారాశి వారికి కలసి రాదు.


తులారాశి వారికి శ్రీ వికారి నామ సంవత్సరంలో శని గ్రహం మిశ్రమ ఫలితాలను కలుగచేయును. భూ సంబంధమైన ఆర్ధిక లాభములను కలుగచేయును. స్థాన చలన ప్రయత్నాలు చేయువారికి కొద్దిపాటి విఘ్నాలను కలుగ చేయును. విద్యార్ధులకు ఆశించిన విద్యను ఏర్పరచును.
తులారాశి వారికి శ్రీ వికారి నామ సంవత్సరంలో రాహు - కేతువులు ఇరువురూ యోగించును. పితృ వర్గం వారికి ఆనారోగ్య సమస్యలను ఏర్పరచుట మినహా మిగిలిన వ్యవహారములందు అనుకూలమైన ఫలితాలను ఇచ్చువారగును.


ఏప్రిల్ 2019 తులారాశి రాశీ ఫలితాలు:


ఈ మాసంలో ఆశించిన ధన లాభములు ఏర్పడును. వ్యాపార వ్యవహరాదులు ఆశించిన విధంగా నడచును. అవసరాలకు ధనం సర్దుబాటు జరుగును. బంధు వర్గం వారితో ద్వితియ వారంలో కుటుంబ వ్యవహార పరమైన సమస్యలు. వైవాహిక జీవనంలో కూడా కొద్దిపాటి మనస్పర్ధలు. రాజకీయ నాయకులకు నూతన పదవులు. ఈ మాసం 18, 19, 20 తేదీలలో వాహన చోదన విషయంలో జాగ్రత్తగా వ్యవహరించవలెను. ప్రమాదం జరుగుటకు ఆస్కారం ఉన్నది. 24 వ తేదీ తదుపరి పాతబాకీలు వసూలు అగును. ఉద్యోగ ప్రయత్నాలు లాభించును.


మే 2019 తులారాశి రాశీ ఫలితాలు:


ఈ మాసంలో ఒక వివాదం ఏర్పడుట వలన మానసిక వ్యాకులతకు సూచనలు కలవు. ధనాదాయం సామాన్యం. నూతన గృహ నిర్మాణ ప్రయత్నములు ఫలించును. ఆరోగ్యం సహకరించును. ఈ మాసంలో తృతీయ వారం బాగుండును. వ్యాపార వ్యవహరాదులలో విజయం ఏర్పడును. నూతన ఆదాయ మార్గములు లభించును. ఉద్యోగ జీవనంలో స్థాన చలనం ఆశిస్తున్న వారికి కోరుకొన్న స్థానచలనం ఏర్పడును. సంఘంలో విశేషమైన గౌరవం ఏర్పడును. సన్మానములను పొందుదురు.


జూన్ 2019 తులారాశి రాశీ ఫలితాలు:


ఈ మాసంలో జీవిత భాగస్వామికి అనారోగ్య సమస్య లేదా ఒక చిన్న శస్త్ర చికిత్స. ఉద్యోగ జీవనంలో ప్రోత్సాహకర వాతావరణం. వ్యాపారాదులు లాభదాయకంగా ఉండును. జీవిత అభివృద్ధికి సంభందించిన పనులు పుర్తిఅగును. సంతానానికి సంతోషాన్ని కలుగచేస్తారు. దిగువ స్థాయి వ్యక్తుల వలన ఉపకారమును పొందుదురు. చివరి వారంలో అనగా 22 వ తేదీ తదుపరి వైవాహిక సమస్యలకోసం కోర్టును ఆశ్రయించిన దంపతులకు పరిష్కారం లభించును. వివాహ ప్రయత్నాలు లాభించును. ఈ మాసంలో 5, 6, 8, 19, 29 తేదీలు అనుకూలమైనవి కావు.


జూలై 2019 తులారాశి రాశీ ఫలితాలు:


ఈ మాసంలో ధనాదాయం సామాన్యం. తులారాశికి చెందిన స్త్రీలకు ఉదర సంబంధమైన సమస్యల వలన చికాకులు. ఉద్యోగ వ్యాపారాదులు సామాన్యం. ఇతరులపై భారం వేసి నూతన పనులను ప్రారంభించుట మంచిది కాదు. నూతన బంధు వర్గం ఏర్పడును. ఆశయ సాధన ఏర్పడును. 11 నుండి 20 వ తేదీల మధ్య తలపెట్టిన పనులందు ఇబ్బందులన్నీ తొలగి నూతన జీవన మార్గాలు ప్రారంభమగును. గృహ వాతావరణం మరియు పనిచేయు కార్యాలయంలోనూ ఆనందకరమైన పరిస్థితులను కలిగి ఉందురు. కుటుంబంలో అభిప్రాయ బేధాలు తొలగును.


ఆగష్టు 2019 తులారాశి రాశీ ఫలితాలు:


ఈ మాసంలో గృహ అవసరాలకు , శుభకార్యములకు సంబంధించిన వ్యయం అధికం అగును. బాధ్యతలు పెరుగును. ధనాదాయం సామాన్యం. విద్యార్ధులకు వీసా సంబందిత విషయాలలో అనుకూలమైన ఫలితాలు. వ్యాపారాదులు సామాన్యం. భాత్రు వర్గం వారికి మంచిది కాదు. ఇంట్లో సౌకర్యాలు పెరుగును. ప్రభుత్వ ఉద్యోగులకు ఒక శుభవార్త. నిరుద్యోగుల ఉద్యోగ అన్వేషణ ముగియును. ఈ మాసంలో 7, 10, 14, 25 తేదీలలో మంచి అవకాశములు లభించును. వృత్తి ఉద్యోగ రంగాల్లో అభివృద్ధి ఏర్పడును.


సెప్టెంబర్ 2019 తులారాశి రాశీ ఫలితాలు:


తులారాశి వారికి ఈ మాసంలో అకాల భోజనం వలన ఆరోగ్య సమస్యలు ఏర్పడు సూచన. ఈ మాసంలో తలపెట్టిన పనులన్నీ విజయవంతం అగును. ముఖ్యంగా నిరుద్యోగులకు ఉద్యోగ ప్రయత్నాలు లాభించును. ధనాదాయం ఆశించినంతగా ఉండును. స్వాతి నక్షత్ర జాతకులకు లాటరీలు కలసివచ్చును. ఉద్యోగ జీవనంలో మార్పులు శుభప్రదంగా ఉండును. మిత్రుల సహకారంతో లక్ష్యాలను పూర్తీ చేయగలరు. ప్రయాణాలు అంతగా ఫలించవు. మాసాంతానికి పరిస్థితులు అనుకూలంగా ఉండుట వలన చక్కటి మానసిక ఆనందం ఏర్పడును.


అక్టోబర్ 2019 తులారాశి రాశీ ఫలితాలు:


ఈ మాసంలో కుటుంబ మిత్రులతో విహారాయాత్రలు ఏర్పడును. సంపూర్ణ ఆరోగ్యాన్ని అనుభవించెదురు. ఆనందోత్సవాలతో కాలాన్ని గడిపెదురు. ధనాదాయం సామాన్యం. ఇతరుల పట్ల ఉన్న అనుమానాలు తొలగిపోవును. నూతన పరిచయాలు అభివృద్ధిని కలుగచేయును. యువ దంపతులకు సంతాన సిద్ధి వలన అమిత ఆనందం. ఈ మాసంలో 22 నుండి 29 వ తేదీ మధ్య కాలంలో ఉద్యోగ జీవనంలో నూతన ప్రగతిని పొందుదురు.


నవంబర్ 2019 తులారాశి రాశీ ఫలితాలు:


ఈ మాసం విదేశీ ఉద్యోగ లేదా స్థిర నివాస ప్రయత్నాలు చేయువారికి కలసివచ్చును. ధనాదాయం సామాన్యం. కుటుంబంలో అనుకోని ఖర్చులు ఏర్పడు సూచన. సమాజంలో పెద్దలతో లేదా ఉన్నత అధికారులతో అనుభంధం పెరుగును. సమయానికి పనులు పూర్తి చేసుకొని చక్కటి గుర్తింపు ఏర్పరచుకొందురు. ద్వితీయ వారంలో చిన్న పిల్లలకు ఆరోగ్య పరమైన చికాకులు. కుటుంబ వ్యక్త్రుల పట్ల శ్రద్ధ చుపించవలెను. వ్యాపార రంగంలోని వారికి ప్రారంభ వారములలో ఆశించినంత ఆదాయం ఉండదు. మాసాంతానికి ఆదాయం వృద్ధి చెందును. ఈ మాసంలో 8, 13, 15, 22 తేదీలు అనుకూలమైనవి కావు.


డిసెంబర్ 2019 తులారాశి రాశీ ఫలితాలు:


ఈ మాసంలో అతి చక్కటి ధనాదాయం ప్రాప్తించును. ఉద్యోగ జీవనంలో ప్రమోషన్లు ఆశించవచ్చును. నూతన ఇండ్లు లేదా స్థలాలు కొనుగోలు చేసే ప్రయత్నాలు లాభించును. వ్యాపారస్థులకు గతకాలపు వివాదాలు పరిష్కారం అగును. ప్రయాణాలు ఫలవంతం అగును. తెగిపోయిన స్నేహబంధాలు ఈ మాసంలో తిరిగి పొందేదురు. నూతన ప్రతిపాదనలు చేయుటకు కుటుంబ పెద్దలను కలువుటకు ఈ మాసం అనుకూలమైన కాలం. ఆశించిన ధన ప్రాప్తి ఏర్పడును. సంతాన ప్రయత్నాలకు మాత్రం అసంతృప్తి ఏర్పడును.


జనవరి 2020 తులారాశి రాశీ ఫలితాలు:


ఈ మాసంలో విరివిగా ప్రయాణాలు ఏర్పడు సూచన. కార్య ఒత్తిడి అధికంగా ఉండుట వలన కొద్దిపాటి మానసిక అశాంతి. దూర ప్రాంత ప్రయాణాలు ఏర్పడును. ఒత్తిడులు ఎదురైనా ఆశించిన విజయాలు పొందేదురు. ఇతరుల ఆదరణ, ఆప్యాయత పొందుతారు. ధనాదాయం సామాన్యం. మీ ప్రతిభకు తగిన గుర్తింపు మరియు అవకాశములు లభించును. వ్యక్తిగత జీవనంలో కొద్దిపాటి అసంతృప్తి. మిత్రులకు సంబంధించిన ఒక సమస్య మీ జోక్యం వలన పరిష్కారం పొందును. కుటుంబంలో బంధు వర్గ సమీకరణలు. ఈ మాసం చివరి వారంలో అనగా 24, 25, 26, 27 తేదీలలో ఉద్యోగ జీవనంలో జాగ్రత్తగా ఉండుట మంచిది.


ఫిబ్రవరి 2020 తులారాశి రాశీ ఫలితాలు:


ఈ మాసం అవివాహితులకు చక్కటి వైవాహిక జీవనారంభాన్ని కలుగచేయును. ధనాదాయం కూడా బాగుండును. తలచిన పనులన్నీ పుర్తిచేయగలరు. జీవన అభివృద్ధికి నూతన ఆలోచనలు చేయుటకు ఈ మాసం తగిన సమయం. వ్యాపారంలో పెట్టుబడులు లాభించును. ఈ మాసంలో విశాఖా నక్షత్ర జాతకులకు అప్రయత్న ధనలాభాములు ఏర్పడు సూచన. స్పెక్యులేషన్ లాభించును.


మార్చి 2020 తులారాశి రాశీ ఫలితాలు:


ఈ మాసంలో ఆర్ధికంగా అనుకూల ఫలితాలను, ఆరోగ్య పరంగా ప్రతికూల ఫలితాలను పొందుతారు. సంతాన సంబంధ విషయాలు బాధ కలిగించు సూచన. సంతాన ఆరోగ్యం ఆందోళన కలిగించుటకు అవకాశం కలదు. ధనాదాయం బాగుండును. ద్వితీయ వారంలో కుటుంబ పరిస్థితులు గతి తప్పును. ఉద్యోగ జీవనంలో తోటి ఉద్యోగులతో జాగ్రత్త అవసరం. నూతన రుణాలకు ఈ మాసంలో ప్రత్నించకుండా ఉండుట మంచిది. తృతీయ వారం ఉద్యోగ మార్పులకు , ఇంటర్వులకు అనుకూలమైన కాలం.




Sree Vikari Nama Samvatsara Tula Rasi / Libra Sign Free Telugu Rasi Phalalu
5/ 5 - (1 votes)
Add To Favourite
More from author
About the author

Bharath has been the knowledge focal point for the world, As Darvin evolution formula End is the Start ... Bharath again will be the Knowledge Focal Point to the whole world. Want to hold the lamp and shine light on the path of greatness for our country Bharath.