మూల 1,2,3,4 పాదములు లేదా పుర్వాషాడ 1,2,3,4 పాదములు లేదా ఉత్తరాషాడ 1 వ పాదములో జన్మించినవారు ధనుర్ రాశికి చెందును.


శ్రీ వికారి నామ సంవత్సరంలో ధనుర్ రాశి వారికి ఆదాయం - 02 వ్యయం - 08 రాజపూజ్యం - 06 అవమానం - 01. పూర్వ పద్దతిలో వచ్చిన శేష సంఖ్య "1". ఇది ఉద్యోగ సంబంధమైన లాభాన్ని సూచించుచున్నది.


ధనుర్ రాశి వారికి శ్రీ వికారి నామ సంవత్సరం ( ది.06-ఏప్రిల్-2019 నుండి ది.24-మార్చి-2020 వరకూ) కూడా ఏలినాటి శని ప్రభావం ఉన్నది. శ్రీ వికారి నామ సంవత్సరం ధనుర్ రాశి వారికి ఆర్ధికంగా మిశ్రమ ఫలితాలను ఏర్పరచును. వైవాహిక జీవనంలో తీవ్ర సమస్యలను, వివాహ సంబంధాలు కుదురుటలో ఇబ్బందులను ఏర్పరచును. అయితే ఒకసారి వివాహ నష్టం జరిగి ద్వితీయ వివాహం కోసం ప్రయత్నాలు చేస్తున్నవారికి మాత్రం చక్కటి ఫలితాలను ఏర్పరచును.


ధనుర్ రాశి వారికి శ్రీ వికారి నామ సంవత్సరంలో గురు గ్రహం వలన 03-నవంబెర్ - 2019 వరకూ వ్యవహరపు చిక్కులు అధికంగా ఏర్పడుచుండును. ముఖ్యమైన పనులు ఆటంకాలు ఎదురగుట వలన ముందుకు సాగక తీవ్ర ఇబ్బందులను కలుగచేయును. 04-నవంబెర్-2019 నుండి గురువు ఆర్ధికంగా అఖండమైన యోగాన్ని ఏర్పరచును. వ్యక్తిగత జీవనంలో మాత్రం నైతిక విలువలు తప్పుట వలన పతనమగునట్లు చేయును. ద్వితీయ వివాహ ప్రయత్నాలు చేయువారికి సహాయపడును.


ధనుర్ రాశి వారికి శ్రీ వికారి నామ సంవత్సరంలో శని గ్రహం వలన సంవత్సరం అంతా శారీరక శ్రమ అధికం అగును. కోరుకొన్న విధంగా శరీర సౌఖ్యం ఉండదు. మధ్య మధ్యలో చిన్న చిన్న ఆరోగ్య సమస్యలను కూడా ఏర్పరస్తూ ఇబ్బందులు కలుగ చేయును. ఆర్ధికంగా మాత్రం శని ఈ సంవత్సరం ధనుర్ రాశి వారికి పెద్దగా ఇబ్బందులను కలుగచేయడు. సంవత్సరాంతానికి కొద్దిపాటి సంపాదించిన ధనం నిలువచేసుకోను పరిస్థితులను ఏర్పరచును. వ్యక్తిగత జీవనంలో జీవిత భాగస్వామికి ఆరోగ్య సమస్యలు కలుగచేయును.
ధనుర్ రాశి వారికి శ్రీ వికారి నామ సంవత్సరంలో రాహు - కేతువులు ఇరువురూ కలసి రారు. వైవాహిక జీవనంలో తగాదాలను, కళత్ర నష్టములను, జారత్వం వలన ( అక్రమ సంబంధాలు) తీవ్ర సమస్యలను కలుగచేయును. అనవసర పట్టుదలకు పోవుట వలన వ్యక్తిగత నష్టములను, శరీర సౌఖ్య లేమిని కలుగచేయును.


ఏప్రిల్ 2019 ధనుర్రాశి రాశీ ఫలితాలు:


ఈ మాసంలో గృహ నిర్మాణ సంబంధ పనులు ప్రారంభం అగును. ఋణాలు లభించును. ధనం సర్దుబాటు జరిగి ఆశించిన విధంగా బాధ్యతలు పుర్తిచేయగలరు. ఈ మాసంలో ధనాదాయం సామాన్యం. సంతాన ప్రయత్నాలు అనుకూలంగా ఉండవు. విదేశీ ప్రయత్నాలు లాభించును. సమాజంలో గౌరవం లభించును. వ్యాపార రంగంలోని వారికి అనుకోని మార్పులు సంభవించు సూచన. అధికారుల వలన తృతీయ వారంలో చికాకులు. స్నేహ వర్గం సహకారంతో ఇబ్బందులనుండి తప్పించుకొందురు. చివరి వారంలో కుటుంబ సభ్యుల మధ్య అవగాహన లోపించు సంఘటనలకు అవకాశం కలదు.


మే 2019 ధనుర్రాశి రాశీ ఫలితాలు:


ఈ మాసంలో ప్రధమ వారంలో ధనాదాయం బాగున్నప్పటికీ అకారణంగా మాటపడుట, నింద ఏర్పడుట వంటి సమస్యలు కలవు. ఇతరులకు సంబంధించిన సున్నిత విషయాలలో దూరంగా ఉండుట మంచిది. పెద్ద వయస్సు వారికి ఉదర సంబంధమైన ఆరోగ్య సమస్య ఏర్పడును. వ్యాపార వ్యవహరాదులు మందకొడిగా కొనసాగును. ద్వితీయ వారంలో చేపట్టే కార్యములు విజయవంతం అగును. ఉద్యోగ రంగంలో ఆటంకములు ఉన్ననూ లక్ష్యాలు పూర్తిచెయగలరు. స్థానచలన ప్రయత్నాలు ఫలించును. మేధావి వర్గంలో స్థానం లభించును. తృతీయ, చతుర్ధ వారాలు ప్రోత్సాహకరంగా ఉండును. విద్యార్ధులకు ఇది చక్కటి ఫలితాలు కలిగించు మాసం.


జూన్ 2019 ధనుర్రాశి రాశీ ఫలితాలు:


ఈ మాసంలో ధనాదాయం వృద్ధి చెందును. కుటుంబ సమస్యలు తగ్గును. వివాహ ప్రయత్నాలు కష్టం మీద విజయవంతమగును. నూతన వ్యాపార విస్తరణకు ఇది మంచి కాలం. ఆశించిన విధంగా బంధువుల, స్నేహితుల సహాయ సహకారములు లభించును. 9 నుండి 17 వ తేదీ మధ్య తలపెట్టిన పనులన్నీ విజయవతం అగు సూచనలు కలవు. కోర్తుకేసులకు సంబంధించిన వ్యవహారాలలో స్థిరమైన ఆలోచనలతో పరిష్కారం లభించును. సంతానానికి సంబంధించిన అభివృద్ధి వార్తలు ఆనందాన్ని కలుగచేయును. పర్యాటక రంగంలో పనిచేయువారికి ఈ మాసంలో అతి చక్కటి అభివృద్ధి లభించును. ఈ మాసంలో ధనమునకు లోటు రాదు.


జూలై 2019 ధనుర్రాశి రాశీ ఫలితాలు:


ఈ మాసంలో కూడా అనుకూలమైన ఫలితాలు ఏర్పడును. వారసత్వ సంబంధ స్థిరాస్థి లభించుట వలన కుటుంబానికి ఒక లాభం. యువ దంపతుల సంతాన కోర్కెలు సిద్ధించును. ధనాదాయం బాగుండును. నూతన గృహోపకరణాలు ఏర్పరచుకొందురు. శుభాకార్యక్రమాలలో పాల్గొంటారు. వ్యక్తిగత జీవనంలో సౌఖ్యం. ఉత్సాహవంతంగా కాలం గడుచును. ఉద్యోగ జీవనంలో చురుకుదనంతో అధికారుల మన్ననలు పొందుతారు. ఆరోగ్యం సహకరించును. చివరి వారంలో ఆత్మీయుల నుండి ఒక శుభ వార్త. దూరప్రాంత ప్రయాణాల వలన కొద్దిపాటి శారీరక ఒత్తిడి. ఈ మాసంలో 4, 5, 9, 11, 15, 18, 24, 25, 29 తేదీలు నూతన ఆలోచనలు ఆచరణలో పెట్టుటకు అనుకూలమైనవి.


ఆగష్టు 2019 ధనుర్రాశి రాశీ ఫలితాలు:


ఈ మాసంలో కుటుంబంలో ఒక మార్పు ఏర్పడును. మూత్రపిండాల వ్యాధితో బాధపడు వారికి ఇది మంచి మాసం కాదు. వ్యాపారాదులు సామాన్యంగానే నడుచును. భాగస్వామ్య వ్యాపారాదులు బాగా ఆదాయం కలుగచేయును. జీవిత భాగస్వామి సహకారం ఆశించిన రీతిగా లభించును. రుణభారం తగ్గును. కుటుంబ వ్యక్తుల అభివృద్ధికి కృషి చేయుదురు. భాత్రు వర్గానికి మీ సలహాలు లాభాన్ని కలుగచేయును. విఘ్నాలు ఎదురైనా కార్యజయం పొందుదురు. గతకాలంలో చేసిన తప్పులు సరిదిద్దుకోనుటకు ఒక అవకాశం లభించును. నిరుద్యోగులకు ఆశించిన ఉద్యోగ ఫలితాలు.


సెప్టెంబర్ 2019 ధనుర్రాశి రాశీ ఫలితాలు:


ఈ మాసంలో ధనాదాయం సామాన్యం. ఆరోగ్య సమస్యలు కొద్దిగా చికాకులను కలుగచేయును. ఉద్యోగ వ్యాపార వ్యవహరాదులు సామాన్యంగా కొనసాగును. నిత్య జీవనంలో శ్రమ అధికంగా ఏర్పడును. అయినా గృహ భాద్యతలను సకాలంలో పూర్తి చేయగలరు. ప్రమోషన్లు ఆశించువారికి ఆశాభంగములు. ఈ మాసంలో 6, 10, 13, 14, 20, 27 తేదీలు అనుకూలమైనవి కావు. ముఖ్యంగా ఈ తేదీలందు ప్రయాణాలు చేయకుండా ఉండుట మంచిది.


అక్టోబర్ 2019 ధనుర్రాశి రాశీ ఫలితాలు:


ఈ మాసంలో ఆర్ధికంగా కొద్దిపాటి ఒడిదుడుకులు ఏర్పడును. ఉహించని రీతిలో ఒక ధన నష్టం ఏర్పడుటకు అవకాశం ఉన్నది. నూతన పెట్టుబడులు ఈ మాసంలో మంచి ఫలితాలు ఇవ్వవు. ద్వితీయ వారంలో ధనవ్యయం అంచనాలు దాటును. ఉద్యోగ కార్యాలయంలో రాజకీయాలకు దూరంగా ఉండుట మంచిది. ఈ మాసంలో నూతన ఋణాలు తీసుకొనుట లేదా ఇతరుల రుణాలకు హామీలు ఇచ్చుట మంచిది కాదు. ఈ మాసంలో శనికి శాంతి జపములు జరిపించుకోనుట మంచిది.


నవంబర్ 2019 ధనుర్రాశి రాశీ ఫలితాలు:


ఈ మాసం ప్రారంభం నుండే ఆర్ధికంగా పడుతున్న ఇబ్బందులు తొలగును. ధనాదాయం వృద్ధి చెందును. ఆశించిన విధంగా ధన సంబంధ పరిస్థితులు ఏర్పడును. వ్యాపార విస్తరణకు, ఉద్యోగ మార్పిడి ప్రయత్నాలకు ఈ మాసం అనుకూలమైనది. ఆధ్యాత్మిక కార్యక్రమాలలో పాల్గొని మనో ఉల్లాసాన్ని పొందుదురు. వ్యక్తిగత ప్రతిభ, పని నైపుణ్యం ఉద్యోగ జీవులకు చక్కటి గుర్తింపు ఏర్పరచును. 22 వ తేదీ నుండి కొద్దిపాటి శారీరక బలహీనత బాధించును. కుటుంబంలో నూతన వ్యక్తుల చేరిక ఆనందాన్ని కలుగచేయును.


డిసెంబర్ 2019 ధనుర్రాశి రాశీ ఫలితాలు:


ఈ మాసంలో ఉన్నతమైన ఫలితాలు పొందుతారు. వ్యక్తిగత జీవనంలోని సమస్యలు పరిష్కారమగును. అపోహలు తొలగును. ఆరోగ్య పరంగా మాత్రం జాగ్రత్త వహించాలి. నూతన వాహన లేదా ప్రయాణ సౌఖ్యం. ఆదాయం ఆశాజనకంగా ఉంటుంది. కార్యభారం లేకుండా పనులు పూర్తిచెయగలరు. నూతన పరిచయాలు ఏర్పడుతాయి. వ్యాపారాదులు సామాన్యం.


జనవరి 2020 ధనుర్రాశి రాశీ ఫలితాలు:


ఈ మాసంలో నూతన ఆలోచనలు ఫలించును. ధనాదాయం సామాన్యం. మిత్రుల తోడ్పాటు వలన అభివృద్ధి ఏర్పడును. గతకాలంలో ఏర్పడిన నిందలనుండి బయటపడుదురు. కోర్టు వ్యవహరాదులలో విజయం. ఆరోగ్య సమస్యలు కొనసాగును. గృహనిర్మాణ పనులు చేస్తున్నవారికి ఆకస్మిక ఇబ్బందులు. వ్యయం చేయిదాటును. తృతీయ వారంలో ఉద్యోగ విషయాలలో లాభం. వ్యాపారాదులలో చక్కటి ఆర్ధిక ప్రయోజనాలు. చివరి వారంలో కుటుంబ సభ్యులకు సంభందించిన ఒక దుర్వార్త. ఈ మాసంలో 15, 19, 25, 27 తేదీలు అనుకూలమైనవి కాదు.


ఫిబ్రవరి 2020 ధనుర్రాశి రాశీ ఫలితాలు:


ఈ మాసంలో ధనాదాయం సామాన్యం. సంతాన విషయాలు ఆనందాన్ని కలుగచేస్తాయి. ఉద్యోగ జీవనంలో ఆకస్మిక సమస్యలు. అవకాశాలు చేజారిపోవును. గృహంలో కొద్దిపాటి అననుకూల వాతావరణం. పితృ వర్గీయులతో సమస్యల వలన మానసిక వ్యధ. వ్యాపారాదులు మందకొడిగా కొనసాగును. నూతన కార్యములు వాయిదా వేయడం మంచిది.


మార్చి 2020 ధనుర్రాశి రాశీ ఫలితాలు:


ఈ మాసంలో ఏలినాటి శని ప్రభావం వలన సొంత మనుష్యలతో విరోధాలు, శారీరక బాధలు, అవాంచిత కలహాలకు సూచనలు కలవు. ధనాదాయం సామాన్యం. వ్యక్తిగత జీవితంలో మానసిక అశాంతి. భాద్యతలను నేరవేర్చకపోవుట వలన ఉద్యోగ జీవనంలో సమస్యలు. వృత్తి జీవనంలోని వారికి ఆదాయం ఆశించినంతగా ఉండదు. లాటరీలు లేదా స్పెక్యులేషన్ వలన నష్టములు.



మరింత సమాచారం తెలుసుకోండి: