Indiaherald Group of Publishers P LIMITED

X
close save
crop image
x
TM
Thu, May 23, 2019 | Last Updated 6:38 pm IST

Menu &Sections

Search

2019 - 2020 శ్రీ వికారి నామ సంవత్సర మకరరాశి రాశీ ఫలాలు

2019 - 2020 శ్రీ వికారి నామ సంవత్సర మకరరాశి రాశీ ఫలాలు
2019 - 2020 శ్రీ వికారి నామ సంవత్సర మకరరాశి రాశీ ఫలాలు
http://apherald-nkywabj.stackpathdns.com/images/appleiconAPH72x72.png apherald.com
ఉత్తరాషాడ 2,3,4 పాదములు లేదా శ్రవణం 1,2,3,4 పాదములు లేదా ధనిష్ఠ 1,2, పాదములలో జన్మించినవారు మకర రాశికి చెందును.


శ్రీ వికారి నామ సంవత్సరంలో మకర రాశి వారికి ఆదాయం - 05 వ్యయం - 02 రాజపూజ్యం - 02 అవమానం - 04. పూర్వ పద్దతిలో వచ్చిన శేష సంఖ్య "6". ఇది రాజకీయాలలో విజయాన్ని సూచించుచున్నది.


మకరరాశి వారికి కూడా శ్రీ వికారి నామ సంవత్సరం అంతా ( ది.06-ఏప్రిల్-2019 నుండి ది.24-మార్చి-2020 వరకూ) కూడా ఏలినాటి శని ప్రభావం ఉన్నది. శని వలన ఈ సంవత్సరం అనవసర ఆడంబరాలకు అధికంగా ధనవ్యయం ఏర్పరచును. ఆర్ధికంగా ఆశించిన ప్రగతి ఏర్పడదు. పిత్రార్జితం మరియు స్వార్జితం రెండునూ ఖర్చు పెట్టవలసిన పరిస్థితులు కనిపించుచున్నవి. ఆర్ధికంగా క్రమశిక్షణ అవసరం. 24- జనవరి-2020 నుండి కొంత ఆర్ధికంగా పరిస్థితి మెరుగు పడును. ఉద్యోగ జీవులకు లక్ష్యాల కోసం తీవ్రంగా శ్రమించవలసిన పరిస్టితులను , ఒడిదుడుకులను కలుగచేయును. మొత్తం మీద శని వలన మకరరాశి వారికి అనుకూలమైన ఫలితాలు ఉండవు. శనికి శాంతి జపములు అవసరం.


మకరరాశి వారికి శ్రీ వికారి నామ సంవత్సరం గురు గ్రహం వలన 03-నవంబెర్-2019 వరకూ వృత్తి జీవనం చేయువరకి ముఖ్యంగా వైద్య రంగంలోని వారికి, కుల వృత్తులు చేయువారికి అధిక వృద్ధిని కలుగచేయును. న్యాయమైన మార్గంలో ధనార్జనను ఏర్పరచును. 04-నవంబెర్-2019 నుండి అంతగా యోగించడు. కుటుంబ సభ్యుల కొరకు , మంచి కార్యములకు అధిక ధన వ్యయం అగునట్లు చేయును.
మకరరాశి వారికి శ్రీ వికారి నామ సంవత్సరం రాహు - కేతువుల వలన పూర్తీ ఆయుర్భాగ్యములు పొందును. పారమార్ధిక చింతన అలవడునట్లు చేయును. ధార్మిక కార్యక్రమాల పట్ల అధికంగా ఆకర్షితులగును.


ఏప్రిల్ 2019 మకరరాశి రాశీ ఫలితాలు:


ఈ మాసంలో కొద్దిగా ఆకస్మిక ప్రమాదములు ఏర్పడు సూచన. వాహన ప్రయాణ సమయంలో జాగ్రత్తగా ఉండవలెను. నూతన ప్రయత్నాలు లాభించవు. వ్యాపార వ్యవహారాలు సామాన్యంగా ఉండును. లక్ష్య సాధనకు శ్రమించవలెను. ఆదాయం సామాన్యం. నూతన వ్యక్తుల పరిచయాల వలన మానసిక ఆనందం. తృతీయ వారంలో గృహ అవసరాలు పెరుగును. విదేశీ ఉద్యోగ ప్రయత్నాలు అనుకూలించును. చివరి వారంలో సంతానం వలన సంతోష సమయం. స్త్రీ సంతానం వలన సౌఖ్యం.


మే 2019 మకరరాశి రాశీ ఫలితాలు:


ఈ మాసంలో కొద్దిగా అనుకూల ఫలితాలు ఏర్పడును. వృత్తి, వ్యాపార ఉద్యోగాలలో ఆశించిన మంచి మార్పులు ప్రాప్తించును. కుటుంబ జీవనంలో మాత్రం అసంతృప్తి కలిగించే సంఘటనలు. జీవిత భాగస్వామి బంధువులతో తగాదాలు, తీవ్ర విమర్శలు. 15 వ తేదీ నుండి 21 వ తేదీ మధ్య కాలంలో నూతన ప్రయత్నాలు లాభించును. నూతన ఆదాయ మార్గాలు ఏర్పడును. అవివాహితులకు ఈ మాసం చివరివారంలో చక్కటి శుభవార్త.


జూన్ 2019 మకరరాశి రాశీ ఫలితాలు:


ఈ మాసంలో కుటుంబ సమస్యలను పరిష్కరించగలుగుతారు. ధనాదాయం సామాన్యం. వ్యయం కొద్దిగా అంచనాలను మించును. పెరిగిన శారీరక శ్రమ వలన ఆరోగ్యం మందగిస్తుంది. గృహ నిర్మాణ లేదా నూతన గృహ సంబంధ విషయాలలో అనుకూలత. ప్రధమ వారంలో ఉద్యోగ స్థాన చలన ప్రయత్నాలు విజయవంతమగును. పుణ్య క్షేత్రాలను దర్శించుకొందురు. స్నేహితుల వలన వ్యాపార విస్తరణకు అవకాశములు ఏర్పడతాయి. చివరి వారంలో కుటుంబంలోని పెద్దలకు ఆరోగ్య సమస్యలు. విద్యార్ధులకు కష్ట కాలం.


జూలై 2019 మకరరాశి రాశీ ఫలితాలు:


ఈ మాసంలో భూ సంబంధమైన వ్యాపారాదులు లాభించును. ధనాదాయం సామాన్యం. గతకాలపు ఆరోగ్య సమస్యలు తగ్గును. స్వశక్తితో పనులను సాధించుకొందురు. ప్రతిభకు తగిన గుర్తింపు పొందుదురు. వృత్తి జీవనంలోని వారికి పురస్కారాలు లభించును. ఆస్తి వ్యవహారాలలో సానుకూల పడతాయి. గృహోపకరణాలు కొనుగోలు చేస్తారు. ఈ మాసంలో రాజకీయనాయకులకు నూతన పదవులు ప్రాప్తించును. 24 వ తేదీ నుండి చేయు ఉద్యోగ ప్రయత్నాలు అనుకూలమైన ఫలితాలు ఇచ్చును.


ఆగష్టు 2019 మకరరాశి రాశీ ఫలితాలు:


ఈ మాసంలో ధనాదాయం సామాన్యం. కోర్టు సంబంధమైన విషయాలు అనుకూలంగా ఉండును. శిరోవేదనకు సంబందించిన సమస్యలు తరచుగా బాధించు సూచన. ఉద్యోగ కార్యాలయంలో ఏకాగ్రత లోపించు సంఘటనలు. సమయాన్ని వృధాగా గడిపెదరు. లక్ష్యాలను నిర్లక్ష్యం చేయుదురు. వ్యక్తిగత జీవనంలో చక్కటి సంతోషాలు. మాసాంతానికి ఆరోగ్యం కుదుటపడుతుంది. ఈ మాసంలో 14 వ తేదీ నుండి 22 వ తేదీ మధ్య చేయు ప్రయాణాలు లాభిస్తాయి. చివరి వారంలో వ్యాపారంలో అధిక ధనాదాయం ఏర్పడు సూచన.


సెప్టెంబర్ 2019 మకరరాశి రాశీ ఫలితాలు:


ఈ మాసంలో ధనాదాయం కొంచెం పెరుగును. సోదర వర్గం వారికి ఈ మాసం మంచిది కాదు. గృహ మార్పిడి ప్రయత్నాలు లాభించును. వ్యక్తిగత జీవనంలోని సమస్యలనుండి బయటపడతారు. మానసిక ప్రశాంతత , ఆనందాన్ని పొందుతారు. దూర ప్రాంత చలనలకు సంబందించిన విషయాలలో పురోగతి ఏర్పడును. వ్యాపార వర్గాలకు ఈ మాసం ఆశించిన రాబడులు ఇచ్చును. వ్యాపార విస్తరణ ప్రయత్నాలు చేయవచ్చు. ఈ మాసంలో 1, 4, 16, 18, 26 తేదీలు నూతన కార్యాలకు మంచివి.


అక్టోబర్ 2019 మకరరాశి రాశీ ఫలితాలు:


ఈ మాసంలో పరిస్థితులు అంత అనుకూలంగా ఉండవు. వ్యాపార, వ్యవహార, ఉద్యోగ విద్యా వ్యవహారాలలో ఒక నష్టం ఏర్పడు సూచన. ఆకస్మిక వివాదం ఒకటి ఏర్పడును. నూతన ప్రయత్నాలకు పూర్తి స్థాయి శక్తిని వినియోగించాలి. పట్టుదలని కోల్పోకూడదు. ఆటంకాలు ఎదురైనా విజయం చేకూరు సూచనలు ఉన్నాయి. సంతానంతో వ్యతిరేకత ఏర్పడి కుటుంబ వాతావరణం ఉద్రిక్తంగా ఉండును. తృతీయ వారం చాలా నిరాశాజనక ఫలితాలు ఏర్పడు గ్రహ సూచనలు కలవు. కుటుంబ సభ్యుల పట్ల శ్రద్ధ చూపాలి. ప్రయాణాలు , ముఖ్యులను కలిసే ప్రయత్నాలు వాయిదా వేసుకోవడం మంచిది. ఈ మాసంలో 17, 18, 21, 22 తేదీలు అనుకూలమైనవి కావు.


నవంబర్ 2019 మకరరాశి రాశీ ఫలితాలు:


ఈ మాసంలో కూడా గత మాసం వలె సమస్యలు కొనసాగును. ధనాదాయం తగ్గును. ఆలోచనలు ముందుకు సాగవు. చేసే పనులలో అదృష్టం కలసి రాదు. నూతన వ్యవహారాలు ప్రారంభించుటకు ఇది మంచి సమయం కాదు. గర్భిణి స్త్రీలు చాల జాగ్రత్తగా ఉండవలెను.


డిసెంబర్ 2019 మకరరాశి రాశీ ఫలితాలు:


ఈ మాసంలో సమస్యలు కొంచెం తగ్గును. ధనాదాయం సామాన్యం. ఇతరుల నుండి ఆశించిన సహకారం లభించుట వలన లక్ష్యాలను పూర్తీ చేయగలుగుతారు. ప్రోత్సాహకర సంఘటనలు ఏర్పడును. ఆర్ధిక వ్యవహారాలలో ఇబ్బందులు తొలగుతాయి. వ్యాపారాదులలో ఆశించినంత రాబడి ఏర్పడును. ద్వితీయ తృతీయ వారములలో నిరుద్యోగులకు శుభవార్తలు ఉన్నవి. వ్యక్తిగత జీవనంలో కఠిన నిర్ణయాలు తీసుకొనవలసి వచ్చును. ఈ మాసంలో 10, 18, 20 తేదీలు అనుకూలమైనవి కావు.


జనవరి 2020 మకరరాశి రాశీ ఫలితాలు:


ఈ మాసంలో ధనాదాయం బాగుండును. ఉద్యోగ వ్యాపార వ్యవహారములలో ఆశించిన మంచి ఫలితాలు కలుగును. విరోధులపై విజయం ఏర్పడును. ప్రయాణాల వలన మాత్రం ధనం వృధాగా వ్యయమగును. పరిస్థితులకు అనుగుణంగా ప్రవర్తిస్తారు. ఉద్యోగ జీవులకు నూతన ఒప్పందాలు లభిస్తాయి. స్థిరాస్తుల ద్వారా నూతన ఆదాయం లభిస్తుంది. వివాహ సంబంధాలు చివరి నిమిషంలో రద్ధగు సూచన. వివాహ పొంతన విషయంలో జాగ్రత్తగా ఉండవలెను. విద్యార్ధులకు నూతన అవకాశములు ప్రోత్సాహకరంగా ఉండును.


ఫిబ్రవరి 2020 మకరరాశి రాశీ ఫలితాలు:


ఈ మాసంలో ఆదాయ వ్యయములు సమానంగా ఉండును. జీవన మార్గంలో కొద్దిపాటి ఆటంకములు ఏర్పడును. కుటుంబంలో ప్రాముఖ్యతను పెంచుకొందురు. కుటుంబ సభ్యుల మధ్య ఉన్న మాట పట్టింపులు తొలగును. ఖర్చులు పెరిగినా ధనం సర్దుబాటు అగును. 15 వ తేదీ తదుపరి గతంలో నిలచిన పనులు పూర్తీ అవుతాయి. మిత్ర వర్గంలో ఆదరణ పెరుగుతుంది. చివరి వారంలో సన్నిహితుల శుభాకార్యక్రమాలలో పాల్గొంటారు. ఈ మాసంలో 6 వ తేదీ నుండి 12 వ తేదీ మధ్య చేయు విదేశీ ప్రయత్నాలు, ఉద్యోగ మార్పిడి లేదా ప్రమోషన్లు కొరకు చేయు ప్రయత్నాలు లాభించును.


మార్చి 2020 మకరరాశి రాశీ ఫలితాలు:


ఈ మాసంలో ధనాదాయం బాగుండును. ఉద్యోగ జీవనంలో మానసిక ఒత్తిడి అధికమగు సూచనలు కలవు. ప్రతీ విషయంలోనూ సందేహాలు ఎదురగు అవకాశం కలదు. వ్యాపార రంగంలోని వారికి అధికారుల వలన సమస్యలు. వ్యక్తిగత జీవనం మాత్రం బాగుంటుంది. జీవిత భాగస్వామి మీ అవసరాలను గమనించి తగువిధంగా నడుచుకొందురు. సంతానం కోసం ప్రయత్నాలు చేయువారికి శుభవార్తలు. గృహ నిర్మాణ సంబంధ బ్యాంకు రుణాలు లభిస్తాయి. సొంత గృహం కల నెరవేరుతుంది. ఈ మాసంలో 13 వ తేదీ నుండి 20 వ తేదీ మధ్య చేయు ప్రయాణములందు జాగ్రత్త అవసరం.


Sree Vikari Nama Samvatsara Makara Rasi / Capricorn Sign Free Telugu Rasi Phalalu
5/ 5 - (1 votes)
Add To Favourite
More from author
About the author

Bharath has been the knowledge focal point for the world, As Darvin evolution formula End is the Start ... Bharath again will be the Knowledge Focal Point to the whole world. Want to hold the lamp and shine light on the path of greatness for our country Bharath.